ئەم ڕێپێوانە، کە ماوەی ٣ ڕۆژە بە پێشەنگایەتیی فەجەدەکە – کاوا لە شاری فرانکفۆرتی ئەڵمانیا دەستیپێکرد و پێرێ لە دارمشتات بەردەوام بوو و دوێنێ گەیشتە مانهایم.

لە رێپێوانەکەدا داوا کرا گۆشەگیریی سەر ڕێبەری گەلی کورد عەبدوڵا ئۆجالان هەڵبگیرێت و ئازادییان مسۆگەر بکرێت و قەدەغەی سەر پەکەکە لاببرێت و کۆتایی بە فرۆشتنی چەک بە دەوڵەتی تورک بهینرێت و کۆتایش بە گوشار و هەڕەشەکانی سەر هەدەپە بێت.

ڕێپێوانەکە بە وتەیەکی ڕۆلاند شوستەر بە ناوی دی لینک دەستیپێکرد. لە رێپێوانەکەدا بە بەردەوامی دروشم بە زمانی تورکی و کوردی و ئەڵمانی دەوترایەوە.

ڕۆلاند شوستەر و گۆکای ئاکبولوت پەرلەمانتاری دی لینکی لە وتەکانیانیاندا باسیان لە هێرشە داگیرکارییەکانی دژ بە ڕۆژئاوا و باشوری کوردستان کرد و ئەو هێرشانەیان ئیدانە کرد و فرۆشتنی چەک لەلایەن ئەڵمانیا و وڵاتانی دیکەی ئەوروپایان بە تورکیا شەرمەزار کرد.

لە ڕێپێوانەکەدا دروشمەکانی "قەدەغەی سەر پەکەکە لاببە"، "ئازادی بۆ عەبدوڵا ئۆجالان"، "بژی هاوپشتیی نێونەتەوەیی"، "بژی سەرۆک ئاپۆ" و "بژی ڕۆژئاوا" دەوترانەوە. لە کۆتایی گردبونەوەکەدا پۆلیس ژمارەیەک لە بەشداربووانی دەستگیرکرد و لە بەرامبەر ئەو ڕەفتارەی پۆلیس کاردانەوە نیشاندرا و بە چەند وتەیەک ئەو کارەی پۆلیس ئیدانە کرا.

گردبونەوەکە بە گۆرانی مۆسیقاژەن بێرند دۆرفەری مانهایمی کۆتایی پێهات.

ژ.ت