لە شاری سیلکیبۆرگی دانیمارک بۆ یادی ١٢١ شەهیدەکەى حەسەکە مەراسیمێکی یادکردنەوە بەڕێوەچوو. سەدان کورد و نوێنەرانی ئیدارەی خۆبەڕێوەبەری باکوری سوریا، پارتی پێشکەوتنخواز، حزبی ئەلوەحدە، پەیەدە، کۆنگرەی ستار و بزووتنەوەی کورد لە ئەوروپا، لە یادەکەدا ئامادەبوون.

لە یادەکەدا وتە پێشکەشکران و راگەیاندرا، ئەوانەی لە دژی داعش شەڕیان کرد کورد بوون و کورد بە بەرخۆدانی خۆی نرخی مرۆڤایەتی پاراست.

ئەوەشیان راگەیاند، پاراستنی دەستکەوتەکانی ڕۆژئاوا لە سایەی شەهیدانەوە ئەرکی سەرەکیی هەمووانە. پێویستە سیاسەتی دوژمن بە دروستی بخوێندرێتەوە و لە سایەی شەهیدانی حەسەکە ڕێگری لە کۆمەڵکوژییەکی گەورە کرا.

هاوکات لەگەڵ یادەکەدا لە زۆرێک لە ناوچەکانی ئەوروپا رێپێوان رێکخرا و راگەیەندرا، "پیلانگێڕی لە دژی ڕێبەری گەلی کورد عەبدوڵا ئۆجالان پیلانگێڕییە لە دژی هەموو گەلی کورد، گەلی کورد بە بەرخۆدانی خۆی لە هەموو ناوچە و گۆڕەپانێکدا ئەو  پیلانگێڕییە پوچەڵ دەکاتەوە و بۆ ئازادیی ڕێبەرەکەیان تێدەکۆشن".

یادەکە بە وتنەوەی دروشمەکانی "شەهید نامرن" و "بژی سەرۆک ئاپۆ" کۆتایی پێهات.

ژ.ت