چالاکی ئەندامانی بزووتنەوەی گەنجانی شۆڕشگێڕ (تەجەشە) لە ناوچەی ڤیلیەرس لێ بێل لە شاری پاریسی پایتەختی فەرەنسا بۆ ئازادیی جەستەیی ڕێبەری گەلی کورد عەبدوڵا ئۆجالان بەردەوامە.

گەنجان شەو لە گەڕەکەکە کۆبوونەوە و وێنەى عەبدوڵا ئۆجالان و لافیتەیەک، کە لەسەری نووسرابوو "ئازادی بۆ عەبدوڵا ئۆجالان" بەرزکردبووە و  لە شەقامەکان دا دەستیان بە ڕێپێوان کرد.

 گەنجە بەشداربووەکان یەک لە سەر یەک دروشمەکانی "بژی سەرۆک ئاپۆ" و "گەنجان فیدایی ئاپۆن" و "ئازادی بۆ ئۆجالان"یان دەوتەوە، دوای نزیکەی کاتژمێرێک لە ڕێپێوانەکەیان ڕاگەیەندراویان خوێندەوە.

لە ڕاگەیەندراوەکەدا هاتووە: "بۆ ئازادیی جەستەیی ڕێبەر ئۆجالان بەردەوام دەبین لە چالاکیەکانمان. هیچ سنوورێک بۆ توڕییەمان نەماوە. ئازادیی جەستەیی ڕێبەر ئۆجالان ئازادیی ئێمەیە. ئێمە تێکۆشانمان لە هەموو شوێنێک بەرفراوانتر دەکەین و بە چالاکیی گەورەتر هاوار بۆ ئازادیی جەستەیی رێبەری ئۆجالان دەکەین".

ژ.ت