لە شاری ڤییەنای پایتەختی نەمسا ڕێپێوانێک بە پێشەنگایەتی یەکێتیی هێزە دیموکراتیکەکان لە ئەورووپا (ADGB) و پارتە سیاسییەکانی کورد، بۆ ئیدانەکردنی دەوڵەتی تورک ڕێکخرا، کە دوای بومەلەرزەکە خەڵکی بە دیار مردنەوە بەجێهێشت.

نزیکەی ٣٠٠ کەس ئامادەی ڕێپێوانەکە بوون و دوای خولەکێک ڕێزگرتن بۆ یادی ئەو کەسانە، کە لە بوومەلەرزەکەدا گیانیان لەدەستداوە، رێپێوانەکە دەستیپێکرد.

لە چالاکییەکەدا ڕاگەیاندراوی هاوبەش، کە لەلایەن ADGB و لایەنە سیاسییەکانی کوردەوە ئامادەکرابوو، خوێندرایەوە.

لە وتەکاندا ڕاگەیاندرا، گیانلەدەستدانی دەیان هەزار کەس بەهۆی کەمتەرخەمیی دەوڵەتەوە بووە و ڕاشیانگەیاند، "ئەمە کارەساتێکی سروشتی نییە، بەڵکو کۆمەڵکوژیی دەوڵەتە".

بە درێژایی ڕێپێوانەکە دروشمەکانی "شانبەشان لە دژی فشیزم" و "ئەردۆغان بکوژ و فاشیست" دەوترایەوە.

ژ.ت