کوردستانیان و دۆستانیان کە لە بەردەم وەزارەتی دەرەوەی نەرویج لە ئۆسلۆ کۆبوونەوە، دیداریان لەگەڵ بەرپرسی بەشی تورکیای وەزارەتەکە کارل. پ. سالیکاس، ئەنجومەنی ئاشتی نەرویج و سەندیکای لۆ ئۆسلۆ کۆبوونەوە.
لە ساڵیادی پیلانگێڕیی بەرامبەر رێبەری گەلی کورد عەبدوڵا ئۆجالاندا بە پێشەنگایەتی ناوەندی کۆمەڵگای کوردی دیموکراتیک لە شاری نەرویجی ئۆسلۆ، لەبەردەم وەزارەتی دەرەوەی ئەو وڵاتەچالاکی ئەنجامدرا. شاندێکی کوردستانیان و دۆستانیان لەگەڵ کارڵ.پ . سالیکاس بەرپرسی بەشی تورکیای وەزارەتەکە کۆبوونەوە.
نوێنەری نەجەدەکەی ئۆسلۆ ئەندام ئاسۆ کە لە شاندەکەدا بوو رایگەیاند، "رێبەر عەبدوڵا ئۆجالان ٢٤ ساڵە لە هەلومەرجێکی دژواردا لە ژوورە تاکەکەسییەکەیدایە و پەیوەندییەکانی لەگەڵ دەرەوەش پچڕێنراون. رێگەنادەن پاڕێزەر و بنەماڵەکەی ببینێت. سی پی تی چاوی بەسەر ئەو پێشێلکارییانەدا دەنوقێنێت کە لە ئیمراڵی روودەدەن. پەرلەمانی ئەوروپا بڕیار دەدات و جێبەجێی ناکات. ئۆجالان تاکە سەرۆکە کە کورد متمانەیان پێیەتی و بەشێکی حاشاهەڵنەگری چارەسەری پرسی کوردە لە رێگەی ئاشتیانەوە.
کارل پ. سالیکاسیش وتی کە لە نزیکەوە بەدواداچوون بۆ پرسی رێبەری گەلی کورد عەبدوڵا ئۆجالان دەکات و چەندین جار لە سەر ئەو بابەتە و بابەتەکانی دیکەی پەیوەست بە مافەکانی مرۆڤەوە قسەی لەگەڵ بەرپرسانی تورکیا کردووە.
دوای دیدارەکە چالاکوانان بەرەو ناوەندی ئۆسلۆ رێپێوانیان کرد و لەبارەی پیلانگێڕیی نێونەتەوەیی ١٥ی شوباتەوە بڵاوکراوەیان بڵاوکردەوە و پلاکاردی "ئازادی بۆ ئۆجالانیان" بەرزکردەوە.
هـ . ب
