نەژادپەرستێک بەناوی محەمەد بەیازید هێرشی کردە سەر باڵەخانەی ئەستەنبوڵ. هێرشبەرەکە وتی 'ئێوە تیرۆریستن'، ئەندامانی هەدەپە رێگریان لێکرد و نەیانهێشت خراپەکاری بکات.

هێرشبەرەکە رایگەیاند، ماڵی لە کاغتخانەیە و دوو کەس بەناوەکانی محەمەد و فەرهاد لە مزگەوتی هارمانتەپەوە ئەویان ناردووە کە هێرش بکاتە سەر باڵەخانەی هەدەپە.

ئەندامانی هەدەپە ئەو کەسەیان رادەستی پۆلیس کرد و سکاڵایان تۆمار کرد. بڕیارە هێرشبەرەکە رەوانەی دادگا بکرێت.

دوای هێرشەکە پارێزگەر راگەیەندراوێکی بڵاوکردەوە و باسی ئەوەی کرد کە هێرشبەرەکە ساڵێک لەمەوبەر تاوانی ' پەلاماردان و هەڕەشەی رەگەزی' ئەنجامداوە و زیانی بە هەندیک ئامێر گەیاندووە.

پارێزگای بانگەشەی ئەوەی کرد کە هێرشبەرەکە چووەتە نەخۆشخانەی دەروونی و چارەسەر وەردەگرێت و ناوی لە نەخۆشخانەکە تۆمار کراوە. ئەمەش تاوەکو ئێستا پشتڕاست نەکراوەتەوە.

ف.ق