دەستپێشخەری 'ئەردۆغان بەخێر نەیەت' لە راگەیەندراوێکدا وتی، " ئەردۆغان کە لە ئەنادۆڵ، میزۆپۆتامیا، رۆژهەڵاتی ناوەڕاست، ئیجە و قەفقاس دوژمنایەتی لەنێوان گەلاندا دروست دەکات، ناتوانێت ژیانی هاوبەشی ئاشتیانە لە ئەڵمانیا قبوڵ دەکات. سەرەتای چەتەکانی ناردە نەئوس و زەمینی دوژمنایەتی و رق و نەفرەتی ئامادە کرد. ئێستاش دیکتاتۆرەکە خۆی دێت. دەگۆترێت کە لەگەل سەرۆککۆمار و سەرۆکوەزیر کۆدەبێتەوە."

راگەیەندراوەکە بەم شێوەیەیە:

" هەر کەسێک کە لە ئەڵمانیا دەژی، بە تایبەتی کورد، لایەنگری ئەردۆغان نین، وەک ئەوەی لە تورکیا، لێرەش ئاسایشی ژیانیان نییە. لە هەر شوێنک بن دەڵێن، " ئێمە هەموو کوردێک لەناو دەبەین."

بەرپرسانی ئەڵمانیا گوێ لەو هەڕەشانە دەگرن و دەبیستن. لەگەڵ ئەوەشدا چاوپێکەون لەگەڵ ئەردۆغان دەکەن و ئێمەش کۆبونەوەی ئەڵمانیا و ئەردۆغان شەرمەزار دەکەین و داوا دەکەین کە لە هەموو روویەکەوە هاوکاریان بۆ ئەردۆغان بوەستێنرێت.

ئێمە داوا دەکەین کە بۆ مسۆگەرکردنی ئاشتی مزگەوت و کۆمەڵەکانی سەر بە ئاکەپە و مەهەپە قەدەغە بکرێن و رێگە نەدەن بانگەشە و هەڵمەتی هەڵبژاردنی ئاکەپە و مەهەپە لە ئەڵمانیا بەڕێوە ببرێت.

بانگەوازی لە هەموو کەسێک دەکەین لەدژی دەسەڵاتی ئاکەپە و مەهەپە کە دوژمن گەلان، ژنان و بۆچوونەکانی هەموو کەسێکە لە بەرلین بەشداری چالاکی شەرمەزار کردن ببن.

ئەگەر ئێمە رۆژی هەینی ٢٧ی کانونی دووەمی ٢٠٢٣ کار دەکەین، مۆڵەت وەربگرین و کاتژمێر ١٣:٠٠ لەبەردەم باڵەخانەی بوندسکانزلیرامت کۆبینەوە و دەست لەناو دەست بکەین و ئەردۆغانی دیکتاتۆر و هاوکارەکانی شەرمەزار و روسوا بکەین.

ئێمە ئەو دیکتاتۆرە فاشێتە نە لە بەرلەین و نە لە تورکیا پەسەند ناکەین. وەرن پێکەوە بەشداری لە چالاکیەکەدا بکەین و هەموو کەسێک بەشداری پێبکەین."

ف.ق