پەرلەمانتارانی هەدەپە رایانگەیاند، تاوەکو گۆشەگیری سەر عەبدوڵلا ئۆجالان رێبەری گەلی کورد کۆتایی نەیەت، دیموکراسی جێگری نابێت و وتیان، " پێویستە ئەرکی سەرەکی هەموو کەسانی دیموکرات ئاشکراکردنی سیاسەتی گۆشەگیری بێت."
ئیشکگری دادپەروەری پارتی دیموکراتی گەلان (هەدەپە) کە بە داواکاری چاوپێکەوتنی پارێزەران لەگەڵ عەبدوڵلا ئۆجالان رێبەری گەلی کورد دەستی پێکردووە ٢١ رۆژە بەردەوامە. مەڕال دانش بەشتاش یاریدەدەری سەرۆکی فراسیۆنی هەدەپە و هوشیار ئوزسوی، مەحمود توغرول، دیلان دیرایەت تاشدەمیر، عومەر ئۆجالان، نەجدەت ئیپەک یوز، گوڵستان کلچ کۆچیێغید، حوسێن کاچماز، زەینەل ئوزەن و کەمال پەکوز پەرلەمانتارانی هەدەپە، دروشمی ' پێویستە لە ئیـمراڵی یاسا جێبەجێ بکرێت' لەبەردەم باخچەی پەرلەمان کۆنفڕانسی رۆژنامەنووسیان ئەنجامدا.
بەشتاش رایگەیاند کە ئامانجی سیاسی هەرچیەک بێت، پێویستە ئەرکی سەرەکی هەموو دیموکراتێک ئاشکراکردمی سیاسەتی گۆشەگیری بێت و ئاماژەی بەوەدا کە تاوەکو گۆشەگیری ئیمڕالی کۆتایی نەیەت، دیموکراسی نایەتە تورکیا. بەشتاش وتی، " ئێمە دەڵێین کە کەس ناتوانێت بە گۆشەگیری ئەنجام بە دەست بهێنێت و دەبێتە هۆکاری زیادبوونی کێشەکان"
بەشتاش باسی ئەوەشی کرد کە پێویستە بۆ چارەسەری سەردانی ئیمڕالی بکرێت و وتی، " چارەسەری تاوەکو دوورگەی ئیمڕالی دوورە. هەموو کەسێک دەزانێت کە لە ئیمڕالی لەگەڵ بەڕێز ئۆجالان و چاوپێکەون و دیالۆگ ئەنجامدران، ئەو کاتە باسی چارەسەری و ئاشتی و کێشەی کورد دەکرا. ئێستا ئەو هێزانەی گۆشەگیری دەسەپێنن، دەزانن کە تاکە کەس کە دەتوانێت تورکیا لە قەیران رزگار بکات، ئۆجالانە. بەڵام لەگەڵ ئەوەشدا گۆشەگیری بەسەردا دەسەپێنن. دەترسن و دەزانن ئەگەر گۆشەگیری هەڵبگیرێت، کۆتایی بە سیستمی دزی و تاڵان دێت. لایەنە شەڕخوازەکان نایانەوێت کۆتایی بە گۆشەگیری بهێنرێت. لەبەرئەوەی لە قسەکردن بۆ ئاشتی و چارەسەری دەترسن. داواکاری ئێمە ئەوەیە کە یاسا جێبەجێ بکرێت. پێویستە ئیمڕالی دابخرێت و کۆتایی بە گۆشەگیری بهێنرێت."
ف.ق
