سەربازگەی زیلکان-ی سوپای تورک بۆردوومان کرا
ئەم بەیانییە سەربازگەی زیلکان-ی سوپای تورک لە موسڵ بە مووشەک بۆردومان کرا.
بەگوێرەی زانیارییەکان، کاتژمێر ٠٧:٤٥ ی ئەم بەیانییە بنکەی سەربازیی سوپای تورکی داگیرکەر لە زیلکان بە مووشەک بۆردومان کراوە.
بەپێی بەشێک لە میدیاکانی عێراق سەربازگەی سوپای تورکی داگیرکەر لە زیلکان بە ٢٠ مووشەک بۆردومان کراوە.
هاوکات هەندێک سەرچاوەی تر ڕایدەگەیەنن، سەربازگەکە بە ٨ مووشەک کراوەتە ئامانج و دووانیان لە ناو سەربازگەکەیان داوە.
تا ئێستا هیچ زانیارییەکی ڕوون لەسەر زیانە مرۆیی و مادییەکانی ئەو مووشەکبارانە بەدەست نەخراوە.
ژ.ت
