فراکسیۆنی هەدەپە لە دژی دەستگیرکردنی پەرلەمانتارانی هەدەپە لەیلا گیوڤەن و موسا فاریس ئۆگیولاری و ئەنیس بەربەرئۆغڵو پەرلەمانتاری جەهەپە لە پەرلەماندا کۆنفرانسێکى رۆژنامەوانیان رێکخست.
دواى کۆنفرانسە رۆژنامەنووسییەکەی سەرۆکی فراکسیۆنی هەدەپە، فراکسیۆنى هەدەپە و پەرلەمانتارانی هەدەپە بەرەو گیوڤەن پارک لە ناوچەى کیزالیی ئەنقەرە دەستیان بە رێپێوانکرد. پەرلەمانتارەکان پۆستەری "کودەتا هەیە"یان بەرزکردبووە و دروشمی "ئاکەپەی کودەتاچی"یان دەوتەوە.
پۆلیسەکانى ئاکەپە – مەهەپە هێرشیان کردە سەر پەرلەمانتارانی هەدەپە.
پۆلیسەکان لە کاتى هێرشکردنە سەر پەرلەمانتارانی هەدەپەدا توندوتیژییان ئەنجامدا و چاکەتەکەى ردڤان توران پەرلەمانتاری هەدەپەیان دڕاند.
هاوکات عومەر ئۆجالان پەرلەمانتاری رحای هەدەپە لە دژی ئەو پەلاماری پۆلیس کاردانەوەى نیشاندا و وتی "هۆی، پۆلیسە درێژەکە تۆی تێکدەری، تۆ پۆلیسی کودەتای".
هەروەها موراد چەپنی پەرلەمانتاری ئیزمیری هەدەپە وتی، "پۆلیس ھێرشیان کردە سەر پەرلەمانتاران و هەڤاڵانمان. ئێمە لە دژی کودەتا رژاوینەتە سەر شەقامەکان. چەتەکانیش هەوڵ دەدەن هێرشمان بکەنە سەر".
ژ.ت