زیندانیانی سیاسی بۆ کۆتایهێنان بە گۆشەگیریی سەر عەبدوڵا ئۆجالان رێبەری گەلی کورد لە ٢٧ی تشرینی دووەمی ٢٠٢٠ەوە دەستیان بە چالاکیی مانگرتن کردووە.

چالاکیی مانگرتن لە ١٢هەمین رۆژدایە و بنەماڵەى زیندانیان بۆ چاوپێکەوتن لەگەڵ رۆڵە تێکۆشەرە زیندانیکراوەکانیاندا رۆیشتن بۆ زیندانی ژنانی شاکران و لە دوای چاوپێکەوتنیان لەگەڵ رۆڵەکانیاندا رایانگەیاند، چالاکیی مانگرتن لەلایەن دەستەى دووەمی مانگرتوانەوە درێژەى پێدەدرێت.

بەپێی زانیارییەکان دەستەی یەکەمی مانگرتوان لەلایەن جیهان ئاسی و خەدیجە جالهان-ەوە بەڕێوەچووە و چالاکیی مانگرتنەکە لەلایەن دەستەى دووەم بێریڤان ئایدن و مەعسومە شەداڵ-ەوە بەڕێوەدەچێت.

ژ.ت