لە ناوچەی ئەحداسی سەر بە شەهبا، کۆنگرەی ستاری هەرێمی عەفرین سێهەمین کۆنفڕانسی خۆی بە ئامادەبوونی ١٦٠ ژن لە هەموو رێکخراو و ئەنجومەنەکانی شەهبا، بە دروشمی 'بە رۆحی تێکۆشانی هەڤرین و زەهراکان داگیرکەری بروخێنین، شۆڕشی ژنان مسۆگەر بکەین، ئازادی رێبەر ئاپۆ مسۆگەرکرنی نەتەوەی دیمۆکراتیکە' ساز کرد. 

وتەی کردنەوی کۆنفڕانسەکە لە لایەن دەلیە حەنان کۆردیناسیۆنی کۆنگرەی ستاری باکور و رۆژهەڵاتی سوریاوە پێشکەش کرا. حەنان لە قسەکانیدا رایگەیاند، ژنان خۆڕاگریەکی دوولایەنە بەڕێوە دەبن، خۆڕاگریەک بۆ گەڕانەوە بۆ سەر خاکی خۆیان و خۆڕاگریەکیش وەستان لە بەرامبەر سیستمی دەسەڵاتدارەکان.

دواتر لەسەر ناوی دەستەی ژنانی باکوری و رۆژهەڵاتی سوریا، جیهان خدرۆ قسەی کرد و وتی:" کۆنگرەی ستار پڕۆژەی وڵاتپارێزیە و ژنان ئەمڕۆ لە باکوری و رۆژهەڵاتی سوریا بارودۆخێکی مەترسیدار تێدەپەڕێنن. ئێمە جەخت لەوە دەکەینەوە کە پڕۆژەکەمان دەبێتە وڵامدەرەوەی هەموو ریگریەکان."

لە کۆنفڕانسەکەدا رێنوێنیەکانی رێبەر ئۆجالان لە بارەی ژنان، خرانەروو و سینەڤیزیۆنێکیش لە بارەی کاروچالاکیەکانی دوو ساڵی رابردووی کۆنگرەی ستار پێشکەش کرا.

لە کۆنفڕانسەکەدا راپۆرتی دوو ساڵی رابردووی کاروچالاکیەکانی کۆنگرەی ستاریش خوێنرایەوە و لەگەڵ چەند پێشنیارێک، چەند بڕیارێکیش دران.

ئەو بڕیارانەی لە کونگرەکەدا دران بریتین لە:

١-بەرزکردنەوەی ئاستی تێکۆشان و بەرفراوانکردنی چالاکیەکان بە مەبەستی پشتیوانی بۆ ئازادی رێبەر ئاپۆ.

٢-ئەنجامدانی چالاکی لە دژی داگیرکەری و فاشیزم.

٣-ئامادەکردن و بەرێکخستنکردنی گەل لەسەر بنەمای گەلی شۆڕشگێر.

٤-تێکۆشان بۆ چەسپاندنی سیستمی هاوسەرۆکایەتی.

٥-چەسپاندنی مۆدێلی خانەوادەی دیمۆکراتیک و کۆمەڵگایەکی سیاسی.

٦-کردنەوەی ئەکادیمیای تایبەت بە پیاوان.

٧-کردنەوەی ناوەندێک بە ناوی سارا بۆ رێکخستن.

لە کۆنفڕانسەکەدا هەر یەک لە ئایشە حسۆ هاوسەرۆکی پەیەدە، هەدیە یوسف ئەندامی کۆنسەی بەڕێوەبەری پەیەدە و زەینەب قەنبەری وتەبێژی ئەنجومەنی سوریای دیمۆکراتیکیش وتەیان پێشکەش کرد و رایانگەیاند، تیکۆشانی ژنانی عەفرین ئەمڕۆ دەرباسی مێژوو بووە و ژنانی کورد لە هەموو هەڵومەرجیکدا بەردەوام دەبن لە تێکۆشاندا.

ز.ش