خۆپێشاندانەکە بە بەشداری دەیان کەس لە ھاوڵاتیانی دەربەندیخان بە پێشەنگایەتی یەکێتی لایەنە سیاسیەکان لە ناو بازاری دەربەندیخان دەستیپێکرد و تا بەردەم قایمقامیەتی شارۆچکەکە بەردەوام بوو.

دواتر لە بەردەم باڵەخانەی قایمقامیەت، ھاوکار قادر لەسەر ناوی  یەکێتی لایەنە سیاسیەکان بەیاننامەیەکی خوێندەوە و دوای لە ھەریەک لە سەرۆکایەتی ھەرێم، حکومەت و پەرلەمان کرد کە لەبەرامبەر ھێرش و داگیرکاریەکانی تورکیا ھەڵوێستیان ھەبێت.

ھاوکات پشتگیری خۆیان بۆ گەریلا دووپاتکردوە و داویان لە لایەنە سیاسیەکان کرد لە کاتێکدا گەریلا بەرامبەر داگیرکاری بەرخودان دەکات خۆیان بە دوور بگرن لە ھەر ھەڵوێستێک کە دەکەوێتە خزمەتی داگیرکاریەوە.

ف.ق