هه‌په‌گه چوار گه‌ریلای ژنی به بیرهێنایه‌وه كه شه‌هیدبوون و رایگه‌یاند، " هه‌ڤاڵانمان دۆغا، گه‌لاوێژ، روكه‌ن و ڤیان هه‌م به هه‌ڵوێستی خۆیان له ناو ژیاندا و هه‌م به شه‌هیدبوونیان له شه‌ڕی ئازادیدا بوونه پێشه‌نگ".
ناوه‌ندی راگه‌یاندن و چاپه‌مه‌نی هه‌په‌گه له باره‌ی چوار گه‌ریلای شه‌هید راگه‌یه‌نراوێكی بڵاوكرده‌وه.
له راگه‌یه‌نراوه‌كه‌ی هه‌په‌گه‌دا هاتووه:
" ساڵی ٢٠١٨ بووه ساڵێك كه به‌رامبه‌ر به ده‌وڵه‌تی توركی داگیركه‌ر شه‌ڕێكی دژوار كرا. ده‌وڵه‌تی توركی داگیركه‌ر ویستی له‌و ساڵه‌دا ده‌ستكه‌وته‌كانی گه‌له‌كه‌مان له‌ناو ببات و له به‌رامبه‌ر گه‌له‌كه‌مان و بزوتنه‌وه‌كه‌مان هێرشی به‌رفراوان بكات. له‌به‌رامبه‌ر ئه‌و هێرشه داگیركاریانه‌دا له هه‌موو شوێنێكی كوردستان به‌رخودانی گه‌وره‌كرا. ئه‌و به‌رخودانه شكۆداره له شه‌ڕی عه‌فریندا به بارین و ئاڤێستاكان ده‌ستپێكرد و له بۆتان و زاگرۆسه‌كانیش به دۆغا، گه‌لاوێژ، روكه‌ن و ڤیانه‌كان گه‌یشته لوتكه و سیاسه‌ته‌كانی پاكتاوكاری داگیركه‌رانی تێكدا. له‌و شه‌ڕه قورسه‌دا هه‌ڤاڵانمان دۆغا، گه‌لاوێژ، روكه‌ن و ڤیان شه‌هیدبوون.
ناسنامه‌ی ئه‌و هه‌ڤاڵه شه‌هیدانه‌مان به‌م جۆره:
ناسناو: دۆغا ئاندۆك
ناو و پاشناو: خه‌دیجه چاركانات
شوێنی له‌دایكبوون: ئامه‌د
ناوی دایك و باوك: زینه‌ت- ئیراهیم
شوێنی شه‌هیدبوون: ٢٠١٨/ شه‌مزینان
ناسناو: گه‌لاوێژ به‌سرا
ناو و پاشناو: زیلان ئازان
شوێنی له‌دایكبوون: وان
ناوی دایك و باوك: فه‌رزیمه‌له‌ك- ره‌مه‌زان
شوێنی شه‌هیدبوون:٢٠١٨/شه‌مزینان
ناسناو: روكه‌ن ده‌نكتاڤ
ناو و پاشناو: ئاینور ده‌میرئۆغڵو
شوێنی له‌دایكبوون: وان
ناوی دایك و باوك: گوگه‌رچین- عومه‌ر
شوێنی شه‌هیدبوون: ٢٠١٨/بۆتان
ناسناو: ڤیان بۆتان
ناو و پاشناو: گوڵستان ئۆجا
شوێنی له‌دایكبوون: شڕنه‌خ
ناوی دایك و باوك: حوسنیه- كامیل
شوێنی شه‌هیدبوون: ٢٠١٨/ بۆتان
گه‌ریلاكانی یه‌ژه‌ئاستار كه رێچكه‌ی به‌رخودانی مێژوویی ژنانی كوردستان به فه‌رلسه‌فه‌ی ئازادی رێبه‌ر ئاپۆیان كردووه به یه‌كێك و بۆ رزگاری ژنانی جیهان بووه به سه‌رچاوه‌ی هێز و ئیلهام، ئه‌و رۆڵه‌ی كه له ئه‌ستۆیان گرتووه هه‌موو كات به سه‌ركه‌وتوویی به ئه‌نجامی ده‌گه‌یه‌نن. له‌و رێگایه‌دا رووبه‌ڕووی مردنیش ده‌بنه‌وه و هه‌نگاو به هه‌نگاو ئازادی ده‌سته‌به‌ر ده‌كه‌ن. هاوڕێیانمان دۆغان، گه‌لاوێژ، روكه‌ن و ڤیانیش هه‌م به هه‌ڵوێستیان له ژیان و هه‌م به شه‌هیدبوونیان بوونه پێشه‌نگانی شه‌ڕی ئازادی. له پێشه‌وه له بنه‌ماڵه‌ی ئازیزی ئه‌و هاوڕێ قاره‌مانانه‌مان، سه‌ره‌خۆشی له ته‌واوی گه‌لی وڵاتپارێزی كوردستان ده‌كه‌ین".
هـ . ب
