هێرشی یەكەم لەگوندی بەشیر پێكهات و دوابەدوای پێكدادان لەنێوان هێزەكانی حەشدی شەعبی و گروپە چەتەكانی داعش، چەكدارێكی حەشدی شەعبی بریندار دەبێت.

هێرشی دووەمیش لە گوندی مەنسوری حەفتتەغار روویدا و چەتەكانی داعش هێرشیان کردە سەر خاڵێكی پاسەوانانی خۆبەخشی ناوچەكە و دوابەدوای شەڕوپێكدادان بۆ چەند خۆلەكێك چەتەكان لە ناچەكە دووردەكەونە.

موقەدەم عامر نوری وتەبێژی پۆلیسی كەركوك لەسەر دۆخی شاری كەركوك رایگەیاند، "ماوەی ٣ ساڵە هیچ كردەوەیەكی تیرۆریستی لە شارەكە ئەنجامنەدراوە" و دۆخی ئەمنیی كەركوكیش جێگیرە و هێزە ئەمنیەكانیش بەشەو و رۆژ بەردەەوامن لەپاراستنی ئارامی و ئاسایشی كەركوك.

ژ.ت