هۆرامی

دوایین ھەواڵ

• بنەیانەکۍ پەی ئەنجامداو دیڎاری داواکاری تازەشا پێشکەش کەرڎ 

  پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
• پەیامو یەکڕیزی و مڎرامانی جە گەلا سەرنیشت و ۋەرکۆتوو سوریایۆ 

  ئەرەنیشتۍ سەرنیشت و ۋەرکۆتوو سوریای دژو هرووژمە ئەرەگیریەکا دۆڵەتو تورکی پەیامو یەکڕیزی و مڎرامانیشا ئەرەیاۋنا.
• ژەنە جەنگاوەرەکۍ وان و گەڤەرەنە ناوەندەکۍ ئەرەگیریشا کەردۍ ئامانجو چالاکییەکاشا 

  ژەنە جەنگاوارا ئێری و ڕۆژێ ئەرەیاۋناشا، بە تەقەمەنی دەسکرد بارەگاو پۆلیسو وانی و بنکەو پۆلیسو ئەسەن تەپەو گەڤەریشا کەردەن مەرامو چالاکییەکاشا.
• ئەرەنیشتۍ ئامەدی: نامونیشانو ئاشتی و چارەسەری ڕابەر ئاپۆن 

  ئەرەنیشتۍ ئامەدی پەی ئاشتیێوە هەمیشەیی ئاماژەشا بە ڕابەر ئاپۆی کەرد و داواشا جە حکومەتو ئاکەپە-مەهەپەی کەرد چا بارۆ هەنگامەی جدییە بنیۆ.
• پەدەکە و سوپاو تورکیای دەگاو دەرگەلێ-شا تاڵانەکەردێنە 

  بە مەڵامەتوو هرووژمە ئەرەگیریەکا دۆڵەتو تورکیوە سەرو خاکو پانیشتوو کوردەسانی بەهەزاران ئەرەنیشتۍ دەگایەکا ناچارۍ کریێنۍ کە دەگایەکاشا جیابازا، دەگاو دەرگەلێ یووەنە چا دەگایا کە جە لایەنو پەدەکەی و دۆڵەتو تورکیوە چۆڵەکریێنە.
• بانگەوازو کۆن-مەدی پەی چالاکی ١٦و تشرینو دووەمی 

  هامسەرۆکاو کۆن-مەدی پەی چالاکی ١٦و تشرینو دووەمی کە شارو کۆڵنو ئەڵمانیاینە پەی ئازادی رابەر ئاپۆی ئەنجام مڎریۆ داواو بەشداریۍ قەوەتیشا کەرڎ.
• مەحموود مەشهەدانی بی بە سەرۆكو پەرلەمانو عێراقی 

  جە گەڕو دووەمو دەنگداینە پەی دیارییكەردەی سەرۆكو ئەنجوومەنو نوێنەرا عێراقی، مەحموود مەشهەدانی بە بەدەسئاوردەی ١٨٢ دەنگا بی بە سەرۆكو پەرلەمانی.
• سزاو زینانیکەردەی ژەنە چالاکوانێوە جابەجێ مکریۆ 

  دادگاو سنەی ژەنە کوردەی چالاکە و ڕۆنامەنویسە، ژینا مودەڕیس گورجیەش ئاگاڎارە کەردێنۆ جە سەپنای سزاو زینانیکەردەی سەرشەرە.
• هەپەگە بە ڕێزۆ یاڎو یەرێ گەریلایا گەشمەرڎاش کەردۆ 

  هەپەگە‌‌ بەڕێزۆ یاڎو ئا یەرە گەریلایاشە کەردۆ کە گەشمەردێ بیێ‌ و واتش: "بەڕێز و وەشەسیایۆ یاڎو هەمڕایاما مکەرمێوە کە بە گەشمەرڎەبیەیشا بیۍ بە مەڵامەتو گۆرەکەردەی ئەرەکۆشای."
• ئەسەنیۆرتەنە گەمارۆ و مڎرامان بەردەواما 

  چواردەورو شارەوانیی دەسسەرەرەگیریاو ئەسەنیۆرتی گەمارۆ دریا. هامکات مڎرامانوو گەلیچ بەردەواما.
• ژمارێوە تازەو گۆڤارو جوانە ژەنا وڵاتپارێزنی وەڵابیۆ 

  ژمارێوە تازەو گۆڤارو جوانە ژەنا وڵاتپارێزنی بە دروشمەو ' ئینایمۍ چنی مافەکا ڕابەر ئاپۆی، سەرو هێڵۆو ژەنا ئازادی هەنگامە منیەیمۍ' وەڵا بیۆ.
• پەی ئەنجامدای دیڎاری چنی عەبدوڵا ئۆجالانی داواکاری وزیا ڕووە 

  پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، کە جە گۆشەگیریۍ چڕەنە جە زینانەنە ڕاگیریان، سەر جەنۆ داواکاریشا بەرزکەردۆ.
• تەڤ-دەم بۆنەو ڕۆو جەهانیی کۆبانێ و پەی پەشتیوانی جە شۆڕشو ۋەرنیشتی بانگەوازش ئەرەیاۋنا 

  ڕاوەبەرایەتی تەڤ-دەمی ئەرەیاۋناش، جە ١٠ەمین ساڵیاڎو رۆو جەهانیی کۆبانێنە مەترسیییەکۍ سەرو دەسکۆتەکا هەرێمەکەی ڕووە جە بەرزبیەیۆ مکەرا و پەی پەشتیوانی جە شۆڕشو ۋەرنیشتی بانگەوازێوەش ئەرەیاۋنا.
• هەپەگە: زاپ و خواکورکەنە ٥ ئەرەگیرۍ سزا دریۍ 

  هەپەگە ئەرەیاۋناش، کە هەڕێمەکاو زاپ و خواکورکینە جە چالاکییەکاو گەریلاینە لاو کەمیۆ ٥ سەروازۍ سوپاو تورکی ئەرەگیری بە سزا یاوۍ.
• 'بە جەنگو گەلی شۆڕشگێڵنیوە ڕابەر ئاپۆی ئازاڎ مکەرمۍ' 

  ڕاوەبەرو تەڤگەرو جوانا شۆڕشگێڵنی منبجی، هارون گابار ئاماژەش پانەی دا جوانۍ بە ئایدییاکاو ڕابەر ئاپۆی و جەنگو گەلی شۆڕشگێڵنییوە ۋێشا بە ڕێکوستەی مکەرا و ڕابەر ئاپۆی ئازاڎ مکەرا.
• کەجەکە: مشۆم گەلەکەما جە کوردەسان و ئۆروپانە بەشدارۍ با جە قۆناغەی تازۍ چالاکییەکانە 

  هامسەرۆکایەتی دەسەو ڕاوەبەری کەجەکەی جە بانگەوازێوەنە داواش کەردە گەل جە کوردەسان و ئۆروپانە بەشێوۍ جەماوەری و پەوپەڕو هێزیۆ بەشداری چا قۆناغێنە بکەرا کە جە سەرەتاو مانگەو تشرینی دووەمیوە دەسپنە مکەرۆ.
• قەیوم سەرو شارەوانی ئەسەنیورتیرە سەپیا 

  دماو ئانەی شارەوانی ئەسەنیورتی جە لایەنو دەسەڵاتداری ئاکەپە-مەهەپەیۆ دەسش سەرەرە گیریا، جە لایەنو دەسەڵاتدارییوە قەیومش سەرەرە سەپیا.
• سەرۆک شارەوانی ناوچەو ئەسەنیۆرتی ئیستەنبوڵی باڵبەس کریا 

  سەرسەعبو ئارۆی پۆلیس هۆرشکوا سەرو یانەو سەرۆک شارەوانی ناوچەو ئەسەنیۆرتی ئیستەنبوڵی ئەحمەد ئۆزەری و باڵبەسشا کەرڎ.
• دوران کاڵکان: گرڎ چێوۍ پێوەسا بە ئازادیی رابەر ئاپۆیۆ 

  ئەندامو کۆمیتەو ڕاوەبەری پەکەکەی دوران کاڵکان ئەرەیاۋناش، کە تا ئازادیی جەسەیی رابەر ئاپۆی دەسەبەر نەکریۆ، هیچ وەڵێکۆتەیۍ نمۍ ئاراوە و واتش: "گرڎ چێوۍ بینیان بە ئازادی جەسەیی رابەر ئاپۆیۆ ".
• نێرگز محەمەدیە فاڕیاوە پەی خەسەخانەی 

  چالاکەو کوردی نێرگز محەمەدیە کە براوۍ خەڵاتو ئاشتینە و جە گێرتەخانەو ئەوینینە زیڼانیەنە، دماو ٩ حەفتا ڕەوانەو خەسەخانەی کریا.
• ١٠ نووسینگۍ یاسایۍ ناڕەزایشا بەربڕی ۋەرا ۋەر بە هرووژمە ئەرەگیریەکا: خەڵکی مەدەنی کوشیۆ 

  ١٠ نووسینگۍ یاسایۍ جە کوردەسانەنە ناڕەزایشا بەربڕی ۋەرا ۋەر بە هرووژمە ئەرەگیریەکان و واتشا، خەڵکی مەدەنی کوشیۆ.
• ۋێنیشاندای و ناڕەزایی ئامەدەنە: ئانەی جە سەرنیشت و ۋەرکۆتوو سوریاینە مکریۆ، تاوانەو جەنگینە 

  هرووژمە ئەرەگیریەکۍ دۆڵەتو تورکی پەی سەرو سەرنیشت و ۋەرکۆتوو سوریای جە ئامەدەنە ناڕەزایی جەماوەریش چنە کۆتۆ و جە ۋێنیشاندایێنە ئەرەیاۋییا کە جە ڕاو ئا هرووژماوە تاوانەو جەنگی ئەنجام مڎریۆ.
• هرووژمەکۍ دۆڵەتو تورکی جە کۆبانێنە شەرمەزارۍ کریۍ 

  بە سەڎان کەسۍ جە ئەرەنیشتا ناوچەو چەلەبی بە مەبەسو شەرمەزارکەردەی هرووژمەکا دۆڵەتو تورکی ئەرەگیری ڕاپیمایشا کەرڎ.
• هەپەگە یاڎو دووۍ گەریلایا گەشمەرڎەیش بەرزڕاگێرت 

  هەپەگە فەرماندە گەڤەر زەفەر و ئاندۆک تەندورەکش بەرێزۆ یاڎۍ کەردێوە و ئەرەیاۋناش، "قەول واوەی مکەرمێوە کە یاڎو گەشمەرڎا ۋێما بە زیڼەیی راگێرمۍ و ئامانجەکاشا بارمێنە دی".
• "پەنەوازا گرڎ کەسۍ دژو هرووژمە ئەرەگیریەکا دۆڵەتو تورکی هەڵوێس نیشانە بڎا" 

  ئەرەنیشتاو عەفرینی کە کەمپو سەردەمینە مژیوا، جە دژو هجومەکا دۆڵەتو ئەرەگیرو تورکی پەی سەرو سەرنیشت و وەرکەوتو سوریای بانگەوازو یەکڕیزیشا جەگردوو گەلوو کوردی کەرد و ئەرەیاوناشا، پەنەوازا گرڎ کەسۍ دژو هرووژمە ئەرەگیریەکا دۆڵەتو تورکی هەڵوێس نیشانە بڎا.