هۆرامی

دوایین ھەواڵ

• جە ئۆپراسیۆنو قڕکەردەی سیاسینە چڼین کەسۍ باڵبەسۍ کریۍ 

  جە ئۆپراسیونو هۊرکوای سەرو پۆلیسو تورکینە هامسەرۆکو ئەسەپەی دەنیز ئاکتاش و هامسەرۆکۊو سەگەدەفەی، بەفرین پۆلادە و چن کەسۍ تەریچ باڵبەسۍ کریۍ.
• ئۆرهان ئیشک: پاشێلکەردەی مافو مرۆڤی ئینا حەناو ئەشکەنجەینە 

  ئۆرهان ئیشک باسش چانەیە کەرڎ کە پاشێلکەردەی مافەکا مرۆڤو زینانیە نەوەشەکا دلۍ زینانەکا تورکیای یاوان بە حەناو ئەشکەنجەی.
• دەگایەکۍ سرینی بۊمبواران کریۍ 

  هېزی شەوۍ بە بۆمبوارانی سەخت جە لایەنو دۊڵەتو تورکی ئەرەگیری و چەتەکاشۆ دەگایەکۍ سەر بە شارو سرینو پانیشتوو کۆبانێ تۆپ واران کریێنۍ.
• قەسەدە: ئەمنیەتو دەیرەزۆری هێڵەی سوورەنە 

  قەسەدە دەربارەو هرووژمو ئەوەمەڼنەو هێزەکاو ڕژێمو بەعسی پەی سەرو ٣ ناوچا زیبانی و تەیانی دەیرەزۆری، ئەرەیاۋنێوەش وەڵاکەرڎۆ و ئەرەیاۋناش بە پاگیریۆ دژو هرووژمەکا مرداوە.
• قەسەدە ئشناسنامەو ٥ گەشمەرڎاش ئاشکرا کەرد 

  قەسەدە ئشناسنامەو ٥ گەشمەرڎاش ئاشکرا کەرد کە جە هرووژمو دۆڵەتو ئەرەگیرو تورکی و چەتەکاشەنە پەی سەرو سەرنیشت و ۋەرکۊتوو سوریای گەشمەرڎې بیۍ.
• دەسوەڵێوستەی ئاشتیی کۆمەڵایەتی چنی شاندو ئیمراڵی کۊبۆوە 

  دەسوەڵێوستەی ئاشتیی کۆمەڵایەتی چنی شاندو ئیمراڵی دەم پارتی و هامسەرۆکاو دەم پارتی کۊبۆوە.
• مێرسیننە ٧ کەسۍ بەمەڵامەتو ناڕەزایی بەربڕیەی دژو دەسسەرەرەگێرتەو شارەوانی زینانیۍ کریۍ 

  ٧ کەسۍ کە بەمەڵامەتو ناڕەزایی بەربڕیەی دژو دەسسەرەرەگێرتەو شارەوانی ئاکدەنیزی باڵبەسۍ کریێبێنۍ، زینانیۍ کریۍ.
• باڵەفڕە جەنگییەکۍ دۊڵەتو تورکی سیرینشا بۊمبواران کەرد 

  باڵەفڕە جەنگییەکۍ دۊڵەتو تورکی ناوچەو سیرین و سەر بە کۆبانێشا بۊمبواران کەرد.
• دیسان دەوروبەرو بەنداو تشرینی تۆپ واران کریا 

  دۆڵەتو ئەرەگیرو تورکی دیسان دەوروبەرو بەنداو تشرینیش تۆپ واران کەرد.
• ڕۆنامەوان سلێمان ئەحمەد ئازاڎ کریا 

  دماو ٤٥٤ ڕوا ڕۆنامەوانو ئەرەیاونای ئازاڎیی سلێمان ئەحمەد ئازاڎ کریا.
• تەژەکە-فەرەنسا بانگەوازش پەی بەشداربییەی چالاکییەکا کەرد 

  تەڤگەرو ژەنا کوردی فەرەنسا (تەژەکە-فە) جە دژو هرووژمەکێ دۆڵەتو تورکی پەی سەرو وەرنیشتی داواو بەشداربییەی جە چالاکییەکا شەرمەزارکەردەو چن شارێوە فەرەنساییشا کەرد.
• هرووژمەکێ بەرەو پانیشتوو بەنداو تشریی مەڕیێ 

  بەمەڵامەتو هرووژمەکێ دۆڵەتو تورکی ئەرەگیریۆ سەرو دەگاو زبت زەمالای پانیشتوو بەندواو تشرینی جەنگێ قورس ئینا ئارانە.
• شاندو ئیمراڵیی دەم پارتی پەی ئەنجامداو دیداری پەی دووەم جاری داواکارییشا پێشکەش کەرد 

  شاندو ئیمراڵیی دەم پارتی پەی ئەنجامداو دووەم دیداری چنی ڕابەر ئاپۆی، داواکارییشا پێشکەش بە وەزارەتو دادو تورکیای کەرد.
• دۆڵەتو تورکی تۆپ وارانو کۆگێوە ئاوێش کەرد 

  دۆڵەتو تورکو ئەرەگیری تۆپ وارانو کۆگێوە ئاوێش کەرد نزیک جە وانینگێوە دەگاو حەمارای تربەسپی سەربە کانتۆنو جزیرەی.
• موراد قەرەیلان پەیامو سەروەشیش ئاراسەو بنەیانەو فەقە و چەتۆی کەرد 

  موراد قەرەیلان ئەندامو کۆمیتەو ڕاوەبەری پەکەکەی پەیامو سەرەوەشیش ئاراسەو بنەیانەو وڵاتپارێزنەرا دێریکی، ئەبو عەلی (عەودیە فەقە)ی و ئیسماعیل چەتۆی کەرد.
• کەجەکە: مشۆم جە گرڏ یاگێنە هرووژمەکێ دۆڵەتو تورکی و چەتەکێش شەرمەزارێ کریانە 

  کەجەکە بە تنی ئەرەگیرا دۆڵەتو تورکی و هرووژمە نامرۆڤانەکێ دژ بە گەلیش شەرمەزار کەردێ و واتش: "هرووژمەکێ دۆڵەتو تورکی و چەتەکێ سوپاو نیشتیمانی سووریای (SNA) مشۆم بە تنی جە گرڏ یاگێنە شەرمەزارێ کریانە و جە دژشا هەڵوێسێوە بەهێز گێرانە وەر."
• ئەرەیاونێوە هامبەشو پارت و لایەنە سیاسییەکێ وەرکەوتوو کوردەسانی پەی مانگێرتەو گرڏی 

  پارت و لایەنە سیاسییەکێ وەرکەوتوو کوردەسانی بانگەوازشا جە گرڏی کەرد جە دژو سزاو جە قەنارەدای هەردووە ژەنە چالاکوانێ پەخشان عەزیزی و وریشە مورادیێ مانگێرتەو گرڏی ئەرەیاونانە.
• ئەر یاسا جابەجێ کریۆنە عەبدوڵا ئۆجالان ئازاد بۆنە' 

  پەڕلەمانتارو یاسائشناس دەم پارتی عومەر فاروق هولاک و سەرۆکو لقو ئامەدی ئیهەدە ئەرجان یلماز جەختشا چانەیە کەردۆ مشۆم ئازادی ڕابەر ئاپۆی پێکبێنە و پەی چارەسەری پرسو کوردی هەنگامێ پەنەوازێ نریانە.
• نوێنەراو شالیارو جبەرو ئەڵمانیای چنی فەرماندەکا قەسەدەی و یەپەژەی کوۍ بیێوە 

  ڕاوەبەرو ۋەرکۊتوو مېیامینو شالیارو جبەرو ئەڵمانیای تۆبیاس تونکل چنی فەرماندەو گرڎی قەسەدەی کۆبیۆ و ئەرەیاۋناش جە ڕاو گفتوگۆی دلېینەو سوریایۆ متاویۆ بە عالتەرین شێوە ماف و بەرژەوەندییەکا کوردی پارێزییا.
• یەرۍ بارمتۍ ئیسرائیلیۍ ئازاڎۍ کریۍ 

  ٣ بارمتۍ ئیسرائیلیۍ بە نامەکا ڕۆمی گۆنینۍ و ئیمیلی دەماریۍ و دۆرۆن ستێنبرێچەرۍ کە زیاتەر جە ١٥ مانگا چێرو دەسا حەماسینە بێنۍ، ئارۆ ئازاڎۍ کریۍ. چەمەڕا مکریۆ ئیسرائیل جە چن سەعاتی ئایندەنە نزیکەو ٩٠ زینانیا فەڵەستینی ئازاڎۍ بکەرۆ.
• مڏرامان دژو قەیومی بەردەواما 

  جە دژو سەپناو قەیومی سەرو شارەوانی ئاکدەنیزیرە مڏرامانو گەلی جە ١٠ەمین ڕۆنە بەردەواما.
• دەم پارتی: هرووژمی سیاسی و سەروازی هیواو ئاشتی دلێنە بەرۆ 

  دەسەو ڕاوەبەری مېیانو دەم پارتی ئاگاڎیش دا بە دەسەڵاتو تورکی و واتش: "دەس هۆرگێردۍ جە هرووژمکەردەی سەرو گەلوو کوردی و ئەرەمەرزیاکا و ئاشتیوازا. ئی سیاسەتە هرووژمکەرەو دەسەڵاتی گفتوگۆکا چارەسەری ژەعراوی مکەرۆ".
• شناسنامەو گەشمەرڏا تشرینی ئەرەیاویا 

  ئەنجوومەنو بنەیانەو گەشمەرڏا شارو قامیشلۆی شناسنامەو ٥ کەساش کە جە هرووژمەکا دۆڵەتو ئەرەگیرو تورکینە بەنداو تشرینینە گەشمەرڏێ بیێ، ئەرەیاونا.
• قەسەدە: دۆڵەتو تورکی دژ بە مرۆڤایەتی تاوانە ئەنجام مڏۆنە 

  مییانگەو ئەرەیاوناو قەسەدەی ئامارو ٢٤ سەعاتا مڏرامانیش جە دژو هرووژمەکێ دۆڵەتو ئەرەگیرو تورکی وەڵاکەردێ و ئەرەیاوناش کە ئەرەگیرێ بە هرووژمکەردەی سەرو هاموڵاتیا مەدەنی و چێرخانو ناوچەکەی دژ بە مرۆڤایەتی تاوانە ئەنجام مڏانە.
• تشرینەنە جەنگ ئینا ئارانە 

  دۆڵەتو ئەرەگیرو تورکیای و چەتەکێ SNA دیسان هرووژمشا کەرد سەرو بەرەو پانیشتوو بەنداو تشرینی. بە جوابدایۆ جەنگاوەرا جەنگەکە دەسش پنەکەرد.