پلاتفۆرمی ژنان لە شاری سترابۆرگی فەرەنسا بە رێکخستنی چالاکییەک کوشتنی دەنیز پۆیرازی هەدەپەییان ئیدانە کرد.

کوردستانیان بە ئاڵای هەدەپەوە لە گۆڕەپانی کلیبر کۆبوونەوە و لەگەڵ چەند دەستە و گروپی دیموکراتیک و چەپ دا چالاکییەکیان ئەنجامدا. لە چالاکییەکەدا راگەیاندرا، هێرش لەلایەن دەسەڵاتی فاشیستیی ئاکەپە – مەهەپەوە پلانی بۆ دانراوە و جێبەجێکراوە.

لە چالاکییەکەدا دروشمەکانی "شانبەشانی یەکتر دژ بە فاشیزم" و "ژن، ژیان، ئازادی - La femme, la vie, la liberte " بە کوردی و فەرەنسی دەوترانەوە.

لە راگەیاندراوی پلاتفۆرمی ژنان دا راگەیاندرابوو، دەنیز پۆیراز لە هێڕشێکی بەرنامە بۆ دانراوەدا کوژراوە و ژنانی ئازاد لەلایەن دەسەڵاتی فاشیستییەوە دەکرێنە ئامانج و دەکوژرێن.

لە راگەیاندراوەکەدا ئاماژە بەوەشکراوە، هەدەپە بەرەیەکی یەکگرتووی شۆڕشگێڕە و تاکە بزووتنەوەى سیاسییە، کە لە دژی فاشیزم لە تورکیا بەرەنگاری دەکات، بۆیە هەدەپە بە بەردەوامی لەلایەن دەسەڵاتەوە دەکرێتە ئامانج.

پلاتفۆرمی ژنانی ئەوەشی راگەیاند، دەنیز پۆیراز شەهیدی تێکۆشانی دیموکراسییە و راشیگەیاند، تێکۆشان بە پێشەنگایەتیی ژنان بە دڵنیاییەوە سەردەکەوێت و فاشیزم تێکدەشکێت.

فەلەکناس ئوجا و هۆشیار ئۆزسۆی پەرلەمانتارانی بۆ بەشداریکردن لە کۆبوونەوەى ئەنجوومەنی ئەوروپا لە ستراسبۆرگ بوون و لە چالاکیەکەدا لە دژی کۆمەڵکوژییەکان لێدوانیان دا و چالاکییەکە بە وتنەوەى دروشم کۆتایی پێهات.

ژ.ت