لە سەرەتای شەڕی عەفرینەوە لە ساڵی ٢٠١٨دا ٩ ژنە کوردی عەفرین (کەوسەر هەمادە، سەمسا، لەیلا یوسف، ئامینە سوڵتان، نورە سەیدۆ، فاتیمە عوسمان، ئیمان خالید و میرا سەیدۆ) لە لایەن دەوڵەتی داگیرکەری تورکەوە ڕفێندران و دواتر لە ساڵی ٢٠٢٤دا سزای زیندانیانی بە سەردا سەپێندرا.

ڕێپێوانەکە لە گەڕەکی کۆرنیسەوە بە بەشداری بەڕێوەبەری خۆسەری کانتۆنی جزیرە، پارتی یەکێتی دیموکراتیک (پەیەدە) یەکێتی ژنانی گەنج و سەدان هاوڵاتی شارەکە دەستپێکرد، دواتر لە پێش ناوەندی نەتەوەیەکگرتووەکان، گردبوونەوە، بەخولەكێک ڕێز بۆ گیانی شەهیدانی ئازادی چالاکییەکەیان دەست پێکرد. لە ڕێپیوانەکەدا بە دروشمی "نا بۆ داگیرکاری"، "نا بۆ خیانەت" و "ژن، ژیان، ئازادی" وترانەوە. هەروەها لە ڕێپێوانەکەدا وێنەی ڕێبەری گەلی کورد عەبدوڵا ئۆجالان، ئاڵای کۆنگرە ستار و چڵی زەیتوون بە واتای ئاشتی بەرزکرانەوە.

ئەندامی کۆردناسیۆنی کۆنگرە ستار ڕەمزیە مەحموود سەرەنجی خستە سەر بەرخۆدانی گەلی عەفرین و وتی: " سڵاو لە بەرخۆدانی گەلی کورد و بەتایبەت گەلی عەفرین دەکەم، ماوەی ٥ ساڵە دەوڵەتی داگیرکەری تورک ٩ ژنی عەفرینیان ڕفاند و ئەمساڵ سزای زیندانیکردنی بەسەردا سەپاندوون. بەڵام ئیرادەی ئێمە تێک ناشکێت. هەمووکاتێک پشتگیری گەل و گەریلا دەکەین هەتا بە سەرکەوتن دەگەین".

ڕێپێوانەکە بە دروشمی "ژن، ژیان، ئازادی" کۆتایهات.