منداڵان لە کۆمەڵەی کورد لەگەڵ بنەماڵەکانیان کۆبوونەوە و رۆژی یەکشەممە بە چڕینی سرودە کوردییەکان دەستیان بەکارەکانیان کردەوە. هەروەها منداڵان لەگەڵ یەکێک لە مامۆستاکانیان بە ناوی غەزاڵ یڵماز گۆرانییان چڕی و دواى ئەوەش لەبەر تەمبەردا گۆڤەند و هەڵپەڕکێیان کرد.

غەزاڵ یڵماز یەکێک لە مامۆستاکانی تیپەکە وتی، دڵخۆشن دوای ماوەیەکى دوور و درێژ سەرلەنوێ دەست بەکار دەکەنەوە و وتیشی "ئێمە لە زۆر شوێن چووینەتە سەر تەختە، لەگەڵ چەندین کولتوری جیاجیادا کارمان کردووە. ئێمە لە وڵاتی خۆمان دورین و لە ماڵی خۆمان دورین، بۆیە ئامانجمان ئەوەیە منداڵەکانمان بە کولتوری خۆمان پەروەردە بکەین تاوەکو کولتور و هونەری خۆمانیان لە بیر نەچێتەوە".

غەزال یڵماز رایگەیاند، ئەوان لە بابەتی زمان، مێژوو، هەڵپەڕکێ و گۆڤەند، ئەدەب و وێژە و مۆسیقادا کار دەکەن و داوای لە هەموو کەس کرد خاوەنداری لە کولتوری کوردی بکەن و لە دژی سیاسەتی تواندنەوە منداڵەکانیان بێنرن بۆ خوێندنگە کوردییەکان.

بە مۆسیقا و گێڕانی گۆڤەند و هەڵپەڕکێ کۆتایی بە چالاکییەکەى ئەو رۆژە هات.

ژ.ت