هونه‌رمه‌ند به‌رماڵ چه‌م به‌ بۆنه‌ی ساڵیادی شۆڕشی ١٩ی ته‌مووز كلیپێكی به‌ناوی "هه‌ناسه‌ی شۆڕش" بڵاوكرده‌وه‌ و له‌وباره‌یه‌وه‌ وتی: ڕیشه‌ی ئه‌و هه‌ست، گۆرانی و به‌رهه‌مه‌ له‌و شۆڕشه‌وه‌ سه‌رچاوه‌ی گرتووه‌ كه‌ شه‌هیدان بناغه‌یان داناوه‌، هه‌ر بۆیه‌ش گۆرانییه‌كی پێشكه‌ش به‌ سه‌رجه‌م شه‌هیدانی ڕۆژئاوا كردووه‌.

" هونه‌ر و شه‌ڕ پێكه‌وه‌ ده‌هۆنینه‌وه‌"

شۆِرشی رۆژئاوا بووه‌ نموونه‌یه‌ك له‌سه‌ر ئاستی جیهان. چوونكه‌ وه‌ها شۆڕشێك بوو كه‌ تێیدا ژماره‌یه‌كی زۆر منداڵ، ژن، دایك و باوك پێكه‌وه‌ له‌ به‌ره‌كانی شه‌ڕدا شه‌هید بوو. ئه‌م شۆڕشه‌ هێشتا به‌رده‌وامه‌. هه‌ر بۆیه‌ هونه‌ر، شه‌ڕ و ژیان پێكه‌وه‌ به‌رده‌وامن. ئێمه‌ ئه‌وانه‌ پێكه‌وه‌ ده‌هۆنینه‌وه‌.

ئاماژه‌ی بۆ ئه‌وه‌شكرد، له‌ ١١یه‌مین ساڵیادی شۆڕشی ١٩ی ته‌مووز دا، گۆرانییه‌كه‌م پێشكه‌ش به‌ سه‌رجه‌م شه‌هیدانی ڕۆژئاوا ده‌كه‌م.

هونراوه‌ی گۆرانییه‌كه‌ له‌ نووسینی مه‌دیا دۆز-ه‌، ئاواز و میوزیكه‌كه‌ی له‌لایه‌ن هونه‌رمه‌ند به‌رماڵ چه‌مه‌وه‌ دانراوه‌ و هادی مورادیش كاری مۆنتاژه‌كه‌ی ئه‌نجامدراوه‌.

ژ.ن