هێزەکانی ڕزگاری عەفرین ڕایگەیاند لە چالاکی وەڵامدانەوەدا، هێزەکانیان ١٠ داگیرکەری دەوڵەتی تورکییان کوشتووە، کە چوارییان سەرباز و شەشیان چەتە بوون. هەروەها ١٢ داگیرکەریش برینداربوون.
فەرماندەی گشتی هێزەکانی ڕزگاری عەفرین پەیوەست بە چالاکی وەڵامدانەوەکانیان لە بەرامبەر هێرشە داگیرکارییەکان، کە لە نێوان ٢ بۆ ٢٩ی نیسان ئەنجامدراوە، ڕاگەیاندراوێکی بڵاوکردەوە.
لە ڕاگەیاندراوەکەدا ئەم زانیارییانە بڵاوکراوەتەوە:
"هێرشی داگیرکاری دەوڵەتی تورکی داگیرکەر و چەتەکانی لەسەر هەرێمەکانی باکوور و ڕۆژهەڵاتی سوریا بەردەوامە. لە بەرامبەر ئەم هێرشانەدا هێزەکانمان چالاکی بەرپەرچدانەوەیان ئەنجامداوە.
لە چوارچێوەی چالاکیکەکاندا:
لە ڕۆژی ٢ی نیسان لە هێڵی شارۆچکەی باب چالاکی نیشانەشکێنی ئەنجامدرا. لە ئەنجامی چالاکیەکەدا چەتەیەک کوژرا.
ڕۆژی ٦ی نیسان هێزەکانمان لە هێڵی مارە چالاکی نیشانەشکێنیان ئەنجامدا و چەتەیەکییان کوشت.
ڕۆژی ١٣ی نیسان هێزەکانمان چالاکیەکی تایبەتییان لە گوندی عەبلە ئەنجامدا. لە ئەنجامدا ٢ چەتە کوژرا، چەتەیەکیش بریندارکرا و ئۆتۆمبێلێکیش لە ناوبرا.
لە ڕۆژی ١٨ی نیسان لە هێڵی مارە هێزەکانمان چالاکیەکی تایبەتییان ئەنجامدا و ٣ چەتە بریندارکران.
لە ٢٣ نیساندا لە دژیی کامپی داخلباشی سوپایی تورکی داگیرکەر بەچەکی قورس چالاکی ئەنجامدرا. لە ئەنجامدا سەربازێکی تورکی داگیرکەر کوژرا و ٣ دانەی دیکەش بریندارکران.
لە ڕۆژی ٢٩ی نیسان لە دژی هەردوو بنکەی سوپایی تورکی داگیرکەر ئەناباک و کەفرمزی ناوچەی شەڕی کانتۆنی عەفرین چالاکی تایبەت ئەنجامدرا. لە ئەنجامی هەردوو چالاکیەکەدا ٣ سەربازیی سوپای تورک کوژرا، ٥ سەربازیش بریندار کران.
لە کۆیی چالاکیەکاندا بە گشتی ٤ سەربازی سوپایی تورکی داگیرکەر و ٦ چەتە کورژان، ٨ سەرباز و ٤ چەتەش برینداربوون."
