دەوڵەتی داگیرکەری تورک جارێکی تر زەوییە کشتوکاڵییەکان دەکاتە ئامانج
دەوڵەتی داگیرکەری تورک دیسانەوە شوێنەکانی نیشتەجێبوون و زەوییە کشتوکاڵییەکانی باکور و ڕۆژهەڵاتی سوریای کردە ئامانج.
بەگوێرەی زانیارییەکان، دەشتاییەکانی ناوچەی عەین عیسا بە چەکی قورس کراوەتە ئامانج.
لە ئەنجامی هێرشەکەدا ئاگر لە زەوییەکان کەوتۆتەوە و دەیان هێکتار زەوی کشتوکاڵ سووتاون.
بەهۆی تۆپبارانە بەردەوامەکەوە، تیمەکانی ئاگرکوژێنەوە ناتوانن بچنە شوێنەکان و ئاگرەکە بکوژێنەوە.
دەوڵەتی تورک و چەتەکانی ئەمە دوو ڕۆژە لە زرگان زەوییە کشتوکاڵییەکان دەسووتێنن. چەتەکان لە بنکەی ئەلعەیدوش زیانیان گەیاندووە بە زەوییە کشتوکاڵییەکان کە سەرچاوەی بژێویی گەلی هەرێمەکەن.
