دەوڵەتی تورک لە عەفرین شوێنوارەکان تاڵان دەکات
دەوڵەتی داگیرکەری تورک لە گوندێکی ناوچەی بلبلی عەفرین سێ ساڵە گردی بیرێ هەڵدەداتەوە و شوێنوارەکان تاڵان دەکات.
دەوڵەتی داگیرکەری تورک لە گوندێکی ناوچەی بلبلی عەفرین سێ ساڵە گردی بیرێ هەڵدەداتەوە و شوێنوارەکان تاڵان دەکات.
مەرسەدی سوری بۆ مافەکانی مرۆڤ رایگەیاند، چەتەکانی دەوڵەتی تورک، لە گردی بیرێی مێژووی لە گوندی شێخورزێی ناوچەی بلبل ٣ ساڵە کاری هەڵکەندن دەکات و گردەکەی بە تەواوی لەگەڵ زەوی تەخت کردووە.
مەرسەدی سوری رایگەیاند، بەهۆی ئەوەی چەتەکان بەدوای شوێنەواردا دەگەڕێن، دارەکانی زەیتون دەبڕنەوە و گردەکەیان تەخت کردووە.
هەروەها چەتەیەک بە ناوی ئەبو عەزاب ئەلنەجار کە سەر بە فرقەی ئەلهەمزەیە لە زەویەکانی هەرێمی کرێزاتی باب چادری هەڵداوەتەوە و دەستی بە هەڵکەندنی زەوی کردووە.
بەرێوەبەرایەتی شوێنەواری کانتۆنی عەفرین رایگەیاند، دەوڵەتی داگیرکەری تورک لە عەفرین دەوروبەری ١٣٠ گرد و شوێنی مێژووییان وێران کردووە.
هەروەها زۆر ناوچەی عەین دارا، گردی ئەرەند و ناوچەی شێخ حەمیدی قەستەل جندۆی شیراوا و زۆر جێگەی دیکە هەڵکەندراون.
دەوڵەتی تورک ئەو شوێنانەی کە داگیری کردووە، جوانی شارستانی و مێژوو لەناو دەبات و ناسنامەی کوردی ناوچەکان تێکدەدات.
زۆر کەس باسی ئەوە دەکەن کە ئامانجی چەتەکان بەدەستهێنانی پارەیە، بەڵام دەوڵەتی تورک دەیەوێت دیموگرافی ناوچەکە بگۆڕێت.
ف.ق