لە زۆرێک لە شار و شارۆچکە و ناوەندەکانی باکوور و رۆژهەڵاتی سوریا چالاکییەکانی پیرۆزبایکردنی ساڵیادی دامەزراندنی پەکەکە بەردەوامە. لە چالاکییەکاندا داوای ئازادیی جەستەییان بۆ عەبدوڵا ئۆجالان رێبەری گەلی کور کرا.

لە شارەکانی کۆبانێ، تربێسپیە، چل ئاغل، حەلەب و سێمێڵکا بە رێکخستنی چالاکیی جۆراوجۆری جەماوەری ٤٣هەمین ساڵیادی دامەزراندنی پارتی کرێکارانی کوردستان (پەکەکە) بە جۆش و خرۆشەوە پیرۆز کرا.

چالاکییەکانی پیرۆزبایکردنی ساڵیادی دامەزراندنی پەکەکە بە بەشداریی گەنجان، ژنان، رێکخراوەکان و لایەنە سیاسییەکان و کەسایەتییەکان و رۆشنبیران بەڕێوەچوو. لە چالاکییەکاندا ئاڵاکانی پەکەکە، پۆستەرەکانی عەبدوڵا ئۆجالان رێبەری گەلی کورد بەرزکرابوونەوە.

لە چالاکییەکاندا چەندین وتە پێشکەشکران و لە وتەکاندا جەخت لە پشتیوانیکردن لە خەبات و تێکۆشانی پەکەکە و درێژەدان بەو خەباتە  کرایەوە و داواشکرا، عەبدوڵا ئۆجالان رێبەری گەلی کورد لە رووی جەستەییەوە لە زیندان ئازاد بکرێت.

چالاکییەکان بە وتنەوەى دروشم کۆتاییانپێهات.

ژ.ت