گەلی کانتۆنی فورات دژی بڕیاری دادگا دەربارەی دۆزی کۆبانێ ڕژانە گۆڕەپانەکان، ڕێپێوانەکە بە درووشمی "زیندانیانی دۆزی کۆبانێ شکۆی ئێمەن" لە گۆڕەپانی ژنی ئازاد دەستی پێ کرد و لە گۆڕەپانی شەهید عەگید گۆڕا بۆ گردبوونەوە. لە ڕێپێوانەکەدا وێنەی سیاسەتمەداران و ئاڵای ڕێبەری گەلی کورد عەبدوڵا ئۆجالان و درووشمی "بەرخۆدان ژیانە" بەرزکرایەوە.

هاوسەرۆکی تەڤ-دەمی کانتۆنی فورات ئەنوەر موسلم تیشکی خستەسەر هاوکاری حکومەتی ئاکەپە-مەهەپە بۆ داعش کە هەردەم دەیانگوت کۆبانێ دەکەوێت و لە لێواری کەوتندایە، بەپێچەوانەوە کۆبانێ سەرکەوت، ئاماژەی بەوە کرد گەلی باکوری کوردستان پشتگیری گەلی کۆبانێ بوون و ئەمەش توڕەیی دەوڵەتی تورکی لێ کەوتەوە، کۆبانێ بە پشتیوانی هەمووان سەرکەوت.

هاوسەرۆکی ئەنجوومەنی جێبەجێکاری کانتۆنی فورات، فەرحان حەج ڕاگەیاندراوێکی لەبەردەم ئیدارەی خۆبەڕێوەبەری کانتۆنی فورات خوێندەوە و ڕایگەیاند بڕیارەکان ناتوانن هێڵی ئازادی و بەرخۆدانی گەل لەناوببەن.

هەروەها تیشکی خستەسەر ڕابوونی گەلی باکووری کوردستان بۆ پشتیوانی کۆبانێ و ڕایگەیاند ئێستە ئەو شەڕڤانانەی تیرۆریان شکاند دەبنە ئامانجی دەوڵەتی تورک. گوتی: "حکومەتی عوسمانیی نوێ دژی یاسا و مافەکانە".