بۆ پشتیوانی لە سەرکەوتنەکانی هێزەکانی پاراستنی گەل (هەپەگە) لە هەرێمەکانی پاراستنی مەدیا بەرامبەر دەوڵەتی داگیرکەری تورک، بە پێشەنگایەتی تەڤگەری گەنجانی شۆڕشگێڕی سوریا ڕێپێوان بە ئۆتۆمبیل لە گەڕەکی شێخ مەقسود و ئەشرەفیە لە حەلەب ئەنجامدرا.

بەشداربووان لەبەردەم ناوەندی تەڤگەری گەنجان کۆبوونەوە، وێنەی ڕێبەری گەلی کورد عەبدوڵا ئۆجالان  و ئاڵای پەکەکە و تەڤگەری گەنجانی شۆڕشگێڕ و یەکێتی ژنانی گەنجیان بەرزکردەوە.

هەروەها بەشداربووان درووشمیان بۆ سڵاوکردن لە بەرخۆدانی ئیمراڵی و بەرخۆدانی گەریلا بەرزکردەوە.

پاش سووڕانەوەی ئۆتۆمبیلەکان بە گەڕەکەکانی شێخ مەقسوود و ئەشرەفیە بەشداربووان گەڕانەوە بۆ بەردەم ناوەندی تەڤگەری گەنجان و ڕێپێوانەکە کۆتایی هات.