لە هێرشی سەر گرێ سپی دا چەندین کەس بریندار بوون
دەوڵەتی تورکی داگیرکەر ٦ گوندی لە ناوچەى رۆژئاوای گرێ سپی بۆردومانکرد. لەو هێرشەدا ژمارەیەکی زۆر لە هاووڵاتییانی مەدەنی برینداربوون و زیانیش بە چەندین ماڵی هاووڵاتییان گەیشتووە.
دەوڵەتی تورکی داگیرکەر ٦ گوندی لە ناوچەى رۆژئاوای گرێ سپی بۆردومانکرد. لەو هێرشەدا ژمارەیەکی زۆر لە هاووڵاتییانی مەدەنی برینداربوون و زیانیش بە چەندین ماڵی هاووڵاتییان گەیشتووە.
دەوڵەتی تورکی داگیرکەر گوندەکانی ئەریدا، بیرکیتک، کۆبیرلیک، بیرزنار و عەمبارەکانی گوندەکانی غەزاڵ و ئەڤدۆکی لە رۆژئاوای گرێ سپی بۆردومانکرد.
هاوکات رێگای ئێم ٤ و ناوچەی عەین عیساش تۆپباران کراوە.
بەپێی زانیارییەکان، بەهۆی ئەو بۆردومانانەوە چەندین کەسی مەدەنی بریندار بوون و زیانیش بە ماڵ و موڵکی هاووڵاتییان گەیشتووە.
سەرچاوە خۆجێیەکان رایانگەیاند، دەوڵەتی تورک دەیەوێت لە رێگەى ئەو هێرشانەوە خەڵکی ناوچەکە ناچاری کۆچبەری بکات و ئەو هێرشەش بەشێکە لە سیاسەتی پاکتاوی رەگەزی و ئیتنیکی و گۆڕینی باری دیموگرافیای ناوچەکە.
ژ.ت