لە کامپی هول 'ئۆپراسیۆنی مرۆیی و ئەمنی'
هێزی ئاسایشی ناوخۆ لە کامپی هۆل لە حەسەکە لە دژی شانە نووستوەکانی چەتەکانی داعش دەستی بە ئۆپراسیۆنێکی بەرفراوانکرد.
هێزی ئاسایشی ناوخۆ لە کامپی هۆل لە حەسەکە لە دژی شانە نووستوەکانی چەتەکانی داعش دەستی بە ئۆپراسیۆنێکی بەرفراوانکرد.
هەڵمەتەکە بە بەشداری شەش هەزار ئاسایشی ناوخۆ لە هێزەکانی سوریای دیموکراتیک (قەسەدە) و یەپەگە و یەپەژە لە کاتژمێر چواری بەرەبەیانی ئەمڕۆوە دەستیپێکردووە و هێزەکە بە هەموو کامپەکەدا بڵاوبوونەتەوە، بە ئامانجی نەهێشتنی چەک و شانە نوستووەکانی داعش لەناو ژنە داعشیەکاندا.
ماوەیەکە ڕووداوەکانی کوشتن و ڕووداوی ئاگرکەوتنەوە و پەلامار لەناو کامپەکەدا زیادیانکردووە، ئەو ئاوارە عێراقییانەی لە ٢٠١٤وە تیایدا نیشتەجێکراون، ژیانیان کەوتووەتە مەترسییەوە و ڕۆژانە پەلامار دەدرێن و خێمەکانیان ئاگر تێ بەردەدرێت.
سیامەند عەلی بەرپرسی ڕاگەیاندنی هێزەکانی سوریای دیموکرات بە ئاژانسی هەواڵی هاواری ڕاگەیاندووە، ئامانج لەو ئۆپەراسیۆن و هەڵمەتە ئەمنیە، کەمکردنەوەی کاریگەری داعشە لەسەر کامپەکەو نەهێشتنی ئەو جموجۆڵ و پەلامارانەیە کە ماوەیەکە زیادیان کردووە.
ئاماژەی بەوەشداوە کە ئۆپەراسیۆنەکە بەتایبەت دوای بانگەوازی شێخەکانی ناوچەکە هاتووە بۆ دانانی سنوورێک لەبەردەم کەمکردنەوەی مەترسی کامپەکە لەسەر ناوچەکە بە تایبەت و جیهان بەگشتی.
کامپی هۆل لە ٤٥ کلیۆمەتریی رۆژهەڵاتی حەسەکەدایە و زیاتر لە ٦٠ هەزار کەسی تیادایە، کە زۆربەیان بنەماڵەى چەکدارەکانی داعشن. چاوەڕێ دەکرێت ئۆپارسیۆنەکە بۆ ماوەى چەند رۆژێک بەردەوام بێت.
ژ.ت