بە پێشەنگایەتی ئەنجومەنی ژنانی زەنوبیا بەسەدان کەس لە دانیشتووی شاری ڕەقە لە دژی ئەشکەنجەی سەر ڕێبەری گەلی کورد عەبدوڵا ئۆجالان ڕێپێوانێکی جەماوەریان ئەنجامدا.

هەروەها نوێنەرانی خۆبەڕێوەبەری دیموکراتیکی کانتۆنی ڕەقە و لایەنە سیاسییەکان بەشداری ڕێپێوانەکە بوون.

لەم ڕێپێوانەکەدا وێنەکانی ڕێبەری گەلی کورد عەبدوڵا ئۆجالان بەرزکرایەوە و پانکارتی، "بە بیرۆکەی نەتەوەی دیموکراتیک پیلانگێڕی نێودەوڵەتی تێکدەشکێنین"، "بە ئیرادەی گەل سیستەمی دیکتاتۆری هەڵدەوەشێنینەوە" و "بە ڕۆح و فەلسەفەی نەتەوەی دیموکراتیک بەرەو بەدیهێنانی ئازادی جەستەیی سەرۆک ئاپو هەنگاو دەنێین" بەرز کرانەوە.

بوسنیا عەبدۆ لە ڕێپێوانەکەدا قسەی کرد و ئاماژەی بەوەدا کە پارادایمی سەرۆک ئاپۆ بۆ شەڕ و کێشەکانی ڕۆژهەڵاتی ناوەڕاست و جیهان چارەسەرییە و وتی: "دەوڵەتی داگیرکەری تورک هەرچییەک بکات دیسان ناتوانێت بیرۆکەی ئازادی لە گەلی ئازادخواز جیابکاتەوە. ڕێبەرایەتی پڕۆژەی نەتەوەی دیموکراتیک، پرەنسیپەکانی یەکڕیزیی گەلان، یەکسانی و دادپەروەری پێشکەش دەکات و بەسایەی بیرۆکەی سەرۆک ئاپۆەو، ژنان مافەکانی خۆیان ناسیەوە و لە هەموو بوارەکاندا ڕۆڵ دەگێڕن. بۆیە دەبێت هەموو ژنانی جیهان بۆ ئازادی جەستەیی ڕێبەری گەلی کورد عەبدوڵا ئۆجالان یەکبگرن و تا ئازادیی جەستەیی بەڕێزیان بەردەوام بن لە تێکۆشان."

لە کۆتاییدا دایکی شەهید خەلەف ئەلبوش، عەتاب ئەلکوری شێعرێکی لەسەر ڕێبەری گەلی کورد عەبدوڵا ئۆجالان پێشکەش کرد.