ئەنجوومەنی شاری تل ڕفعەتی کانتۆنی شەهبا بۆ شەرمەزارکردنی گۆشەگیریی سەر ڕێبەری گەلی کورد عەبدوڵا ئۆجالان ڕێپێوانیان بەڕێوە برد. بەسەدان کۆچبەری عەفرین و دانیشتووانی تل ڕفعەت بەشێوەیەکی جەماوەری بەشداری ڕێپێوانەکەیان کرد.

جەماوەر وێنەکانی ڕێبەری گەلی کورد عەبدوڵا ئۆجالان، لافیتەی "ئازادی جەستەیی ڕێبەر ئاپۆ چارەسەری پرسی کوردە" بەرزکردەوە و بە خرۆشەوە بەشداری ڕێپێوانەکە بوون.  

لە ڕێپێوانەکەدا ئەندامانی ئەنجومەنی بنەماڵەی شەهیدانی تل ڕفعەت ڕەشید فەتکۆ قسەی کرد و وتی: "ئامانجی دەوڵەتی تورک لە گۆشەگیرکردنی ڕێبەر ئاپۆ، جیاکردنەوەی گەل و ڕێبەر ئاپۆیە. بەڵام ئێمە قەد لە فەلسەفەی ڕێبەر ئاپۆ لانادەین و بەردەوام لە پێناو ئازادی جەستەیی ڕێبەر ئۆجالاندا درێژە بە تێکۆشانمان دەدەین."

بە دروشمی "بێ سەرۆک ژیان نابێ" کۆتایی بە ڕێپێوانەکە هێنرا.