فەرماندەیی گشتی یەکینەکانی پاراستنی ژنان یەپەژە لە ڕاگەیەندراوێکدا ڕایگەیاند، شەڕڤانێکی یەپەژە بەناوی نارڤین هۆگر (دیلان دەروێش) لە ٢٢ی نیسان لە ڕووداوێکی هاتوچۆی ئۆتۆمبێلدا شەهید بووە و ڕایگەیاند: "بەدی هێنانی خواست و خەونەکانی هەڤاڵ نارڤین ئەرکی بنەڕەتی سەرشانی ئێمەیە."

دەقی بەیاننامەکە بەم شێوەیەیە:

"هەڤاڵمان نارڤین هۆگر لە ساڵی ١٩٩٥ لە شاری قامیشلۆ لە بنەماڵەیەکی وڵاتپارێز لەدایک بووە، بەهۆی وڵاتپارێزی بنەماڵەوە لە تەمەنێکی بچووکەوە هەستی بە حەقیقەتی گەلەکەی و دۆزی ئازادی کردووە و بەردەوام سەرنجی لەسەر تێکۆشانی ئازادی بووە.

هەڤاڵ نارڤین لە پڕۆسەی دەستپێکردنی شۆڕشدا بە بەرپرسیارێتی و بوێرییەکی بەرزەوە بەشداری ڕیزەکانی یەپەژە دەبێت. بەردەوام ویستویەتی لە سەختترین بوارەکان و قورسترین ئەرکەکاندا لە پێشەوەی تێکۆشاندا بێت. بەشدارییەکی چالاکانەی لە ئازادی تل حەمیس دا دەبێت لە ساڵانی ٢٠١٣ و ٢٠١٥دا و ئەزموونی گرنگی لە شەڕدا بەدەستهێناوە. دوای ئەوە دەچێتە بەرەی شەڕی تربەسپی، بەشداری کارای لە هەڵمەتەکانی ڕزگارکردنی تشرین، منبج و ڕەقە دەکات. لە پڕۆسەی داگیرکاریی فاشیستەکانی تورک، بۆ سەر گرێ سپی تێکۆشانێکی گرنگ بەڕێوە دەبات. بەردەوام بەشداری لە هێڵەکانی پێشەوەی تێکۆشاندا کردووە. بەهۆی فیداکاریی و جۆشی ژیانەوە دەناسرا و لای هەموام خۆشەویست بوو.

هەڤاڵمان نارڤین هۆگر بە داستانە قارەمانانەکانی ئازادیخوازان گەورە بووە. هەروەها ڕێبازی سێ ئامۆزاکەی هەڵدەگرێت کە لە ساڵانی ١٩٩٠ لە شاخە ئازادەکانی کوردستاندا شەڕیان کرد و گیانیان لەو پێناوەدا بەخشی. ئامانجی سەرەکی هەڤاڵ نارڤین کۆتاییهێنان بە داگیرکاریی وڵات و بنیاتنانی سیستەمێکی دیموکراتیک و ئازاد لەسەر بنەمای سیستەمی ڕێبەر ئاپۆ بوو. بۆیە هەم لە بواری سوپا و سەربازییەوە خۆی پەروەردە و ئامادە کردبوو. ئەو تەنها لە بواری کاروباری سەربازیدا شارەزا نەبوو، بەڵکو لە بواری ئایدۆلۆژیادا خاوەن تێگەیشتنێکی بەرچاو بوو.

بە ڕێز و قەرزدارییەوە یادی هەڤاڵمان نارڤین هۆگر دەکەینەوە. بەڵێن دەدەین کە خواست و خەونەکانی نارڤین وەکوو ئەرک و ئیرادەی بنەڕەتیمان دەبێت لە تێکۆشان."

ناسنامەی شەهید نارڤین هۆگر بەم شێوەیەیە:

نازناو: نارڤین هۆگر

ناو و پاشناو: دیلان دەروێش

ناوی دایک: نەسرین

ناوی باوک: محمد سیراج

شوێن و بەرواری شەهیدبوون: سرین-٢٤-٤-٢٠٢٤