شەڕڤانی هێزەکانی ئەرکی خۆپاراستن هەمزە محەمەد عەلی لە منبج شەهیدببوو، بە مەراسیمێک بە بەشداری دانیشتوانی تەبقە تەرمەکە لە گۆڕستانی شەهیدانی تەبقا بەخاکسپێردرا.

مەراسیمەکە بە خولەکێک بێدەنگی و رێورەسمی سەربازی شەڕڤانانی قەسەدە دەستیپێکرد. دواتر ئەندامی هێزەکانی ئەرکی خۆپاراستن ئەحمەد ئەلجەبر قسەی کرد و وێڕای سەرەخۆشی لە بنەماڵەی شەهید وتی، "هەمزە رێبازی شەهیدانی گرتەبەر و لە پێناو دامەزراندنی بناغەی نەتەوەی دیموکراتیکدا شەهیدبوو. تا مسۆگەر کردنی سەرکەوتن تێدەکۆشین".

هاوسەرۆکی ئەنجومەنی دیموکراتیکی گەلانی کانتۆنی تەبقا موسا ئەلخالید وتی، ئەوان تا سەرکەوتن و سەقامگیری و پاراستنی ئاسایشی گەلان رێگەی شەهیدان دەگرنەبەر.

دوای وتەکان بەڵگەنامەی شەهید هەمزە محەمەد عەلی خوێندرایەوە و رادەستی بنەماڵەکەی کرا. تەرمی شەهید هەمزە بە هەلهەلە و وتنەوەی دروشمی "بە گیان بە خوێن لەگەڵتاین ئەی شەهید" بەخاکسپێردرا.

هـ. ب