یەپەگە وەزارەتی بەرگریی تورکی بە درۆ خستەوە
یەپەگە راگەیاندراوی وەزارەتی بەرگریی تورکی بە درۆ خستەوە، کە رایگەیاندبوو، لە گرێ سپی و سەرێکانی ٧ شەڕڤانی یەپەگە شەهید بوون.
یەپەگە راگەیاندراوی وەزارەتی بەرگریی تورکی بە درۆ خستەوە، کە رایگەیاندبوو، لە گرێ سپی و سەرێکانی ٧ شەڕڤانی یەپەگە شەهید بوون.
وەزارەتی بەرگریی تورک دوێنێ رایگەیاندبوو، یەپەگە لە دژی سوپای دەوڵەتى تورکی داگیرکەر و چەتەکانیان لە ناوچەکانی گرێ سپی و سەرێکانی داگیرکراودا، هێرشیان کردووەتە سەریان و لەو هێرشەدا ٧ شەڕڤانی یەپەگە شەهید بوون.
ناوەندی راگەیاندنی یەپەگە بە تویتێک راگەیاندراوەکەى وەزارەتی بەرگریی دەوڵەتی تورکی بە درۆ خستەوە.
ناوەندی راگەیاندن و چاپەمەنیی یەکینەکانی پاراستنی گەل (یەپەگە) لە ئەژماری فەرمیی خۆیدا لە تویتەر بڵاویکردەوە، "وەزارەتی بەگریی دەوڵەتى تورکی داگیرکەر بەردەوامە لەسەر بڵاوکردنەوەى هەواڵە درۆزنانەکانی. هێزەکانمان لە ناوچە ناوبراوەکاندا هیچ جموجوڵ و هێرشێکیان بۆ سەر هیچ شوێنێک ئەنجام نەداوە".
ژ.ت