ڕۆژی دووشەمە لە شاری کۆلۆمبیس لە نزیک پاریسی پایتەختی فەڕەنسا، دوو مۆتۆرسیکیلی پۆلیس ڕووبەڕووی هێرشێک بوونەوە. کەسێک کە دەوترێت (نەخۆشی دەروونی هەیە) بە ئۆتۆمبێڵەکەی هێرشی کرد و دوو پۆلیسی بریندار کرد. یەکێک لە پۆلیسەکان بە سەختی بریندار بوو.

باسی ئەوە دەکرێت هێرشەکە وەک تۆڵەسەندنەوەی فەڵەستینیەکان ئەنجامدراوە

بە پێی زانیاریەکان لەناو ئۆتۆمبێڵی هێرشبەرە ٢٩ ساڵەکەدا نامەیەک و چەقۆیەک دۆزراوەتەوە و دانی بەوەشدا ناوە کە بە ئەنقەست هێرشەکەی ئەنجامداوە.

هەروەژا بە پێی زانیاریەکان هێرشبەرەکە ڕایگەیاندووە کە هێرشەکەی وەک تۆڵەسەندنەوەی فەڵەستینیەکان ئەنجامداوە. لە لایەکی ترەوە باسی ئەوە دەکرێت هێرشبەرەکە نەخۆشی دەروونی هەیە ، بەڵام بەرپرسانی فەڕەنسا دەڵێت، کەسێک کە بتوانێت بەم شێوەیە هێرش ئەنجامبدات، نەخۆشی دەروونی نییە.

دۆسیەکە لەبەردەستی دادوەری دژە تیرۆرە

دوێنی بەرپرسانی فەڕەنسا ڕایانگەیاند، پێدەچێت هێرشەکە تیرۆریستی بێت و دۆسیەکە چووەتە بەردەستی دادوەری دژە تیرۆر.

لە فەڕەنسا لە مانگی کانونی ٢٠١٥ کۆمەڵکوژی چارلی هەبدۆ ئەنجامدرا و نزیکەی ٢٥٠ کەس کە هێرشی داعش و ئەلقاعیدە دا کوژران.

ف.ق