جە ناوچەو سەردەرەی سەر بە پاوە-ی، ئەندامێ کۆمیتەو ماتۆڕسواری پەیوەستێ ژیوگەپارێزان بیێ و ئاشکراشان کەرد: ئێمە وێرانکەرێ ژیوگەی نیەنمێ، بەڵکو پارێزنەرێشەنمێ.
جەی ئەی بارەوە، محەمەد خودادای، وەرپەرسیارو کۆمیتەکەی بە پەلیانەو سەلام پاوە-یش واتەن: ئەندامێ کۆمیتەکەیشان دۆستدارێ ژیوگەیەنێ و نەک وێرانکەرێش. جە ئی چوارچوەنە یەرە شەممەی ویەردە هامڕا چەنی ئەنجومەنو ژیوگەپارێزی ژیوای، جە ناوچەو سەردەرەی سەر بە پاوە-ی، بەلوێشان نیێ و هەوڵ پەی ئەوەژیوای دارستانێ و جەنگەڵەکان مدێمێ.
محەمەد خودادای، وەرپەرسیارو کۆمیتەو ماتۆڕسواری پاوەی واتەنش: ئەگەر پەی ئێمەی ماتۆڕسواری پیست و یاگێوە تایبەتە دیارییە بکریۆن، ئا وەختە پەی مۆتۆڕسواری نملمێنە دلێ دارستان و لەوەڕگاکان و کەسی بێزار نمەکەرمێ. دەستنیشان کەردەی پیستی و یاگێ ماتۆڕسواری سودی فرەی ئابوری و داراییش هەن و بۆ بە هۆکار پەی گەشەدای بە گەشت و گێڵی و وەرزشی جە ناوچەکەنە و خەڵکی چنەش سودمەند ببۆنە.

نامبریا جە کۆتایییەنە مەواچۆن: جەی دمای پەی پارێزنای ژیوگەی، کۆمیتەکەمان بە هەماهەنگی چەنی ئەنجومەنەکێ ژیوگەپارێزی مەشق مەکەرمێ و هەوڵی جددی بدێمی کەمتەر خەڵکی بێزارێ بکەرمێ. فرە سپاگوزارێ ئەندامێ ئەنجومەنو ژیوگەپارێزی ژیوای-یەنمێ کە پەی پارێزنای ژیوگەی هامڕێ و هامکارێم بێنێ و هەوڵ بدێمێنە جەی دمایچ ئا هامکاری و هەماهەنمگیییە گەشەش پنە بدریۆنە و بەردەوام ببۆنە.