بە پیشەنگایەتی تەڤگەری ژنی ئازاد( تاژێ) و مەجلسی ژنانی هەدەپە لە چوارچێوەی ئاهەنگ و چالاکییەکانی ٨ی ئادار ڕۆژی جیهانی ژن لە گەلێک شاری باکووری کوردستان ئاهەنگ و چالاکی بەڕێوە چوو.

مەجلسی ژنانی گۆنگرەی دیموکراتیکی گەلان ( هەدەکە) لە ناوەندی گشتی خۆیدا ڕاگەیەنراوێکی چاپەمەنیدا. هاوسەرۆکی هەدەکەی ئیدیل ئووگوورلوو و پەرلمانتاری هەدەپەی ئیستەنبوول زوڵێخا گلووم و ژمارەیەکی زۆر لە ژنان بە شداری ڕاگەیاندنەکە بوون. لە ڕاگەیەنراوەکەدا بانگەوازی ئاهەنگ و چالاکی ٨ی ئادار لە ڕۆژی ٦ی ئادارا لە قادرکۆی و ڕۆژی ٨ی ئادار لە تەقسیم کرا.

هاوسەرۆکی هەدەکە ئووگوورلوو ئەوەی هێنایەسەر زمان کە دەسەڵاتداری ژنان وەک هەڕەشە دەبینن و ئەو دەسەڵاتە هەنگاو بەهەنگاو لە ژنان و تێکۆشانی ئەوان دەترسێت.

زلێخا گولوم پەرلمانتاری هەدەپەی ئامەد دەستنیشانیکرد کە دەسەڵات بە سیاسەت دوژمنایەتی ژنان دەکات و لە دژی هەرجۆرە گوشارێک لە سەر ژنان، هێرش و تووندووتیژی  تێکۆشانی خۆی بەردەوام دەکات و دەست لە تێکۆشانی خۆی هەڵناگرێت.

پلاتفۆرمی ٨ی ئادار بە بۆنەی ٨ی ئادارەوە  لە بینای لقی ئیهەدەی ئیستانبوول ڕاگەیەنراویدا و بانگی لە تەواوی ژنان کرد کە بەشداری چالاکی ژنان لە ٦ی ئادار لە قادر کۆی ببن.

لە بەردەوامی ئاهەنگ و چالاکییەکانی ڕۆژی جیهانی ژن لە شارەکانی باکووری کوردستان ئاهەنگ و چالاکی بەڕێوە چوو.

لەم چوارچێوەیەدا بە پیشەنگایەتی مەجلسی ژنانی هەدەپە و چالاکانی تەڤگەری ژنی ئازاد  و بەشداری ژنان لە شارەکانی ئاگری ، ئەدەنە ، مێردین، ڕەحا و ئامەد ئاهەنگ و چالاکی ئەنجامدرا.

لە چالاکییەکاندا ژنان ئاماژەیەن دابە مانگرتن لەخواردنی گیراوانی سیاسی لە بەندیخانەکانی تورکیا و کوردستان و گۆشەگیری ڕێبەری گەلی کورد عەبدوڵا ئۆجالان.

ژنان بە سایی و گۆڤەن رۆژی جیهانی ژنان-یان پیرۆزکرد،

ک-ش