گوندەکانی باکوور و باشوور و رۆژئاوای شارۆچکەی زرگان لە کانتۆنی حەسەکە لەلایەن سوپای تورکی داگیرکەر و چەتەکانییەوە بە چڕی تۆپباران دەکرێن و لە ئەنجامدا دوو ژن شەهید بوون و سێ منداڵیش بریندار بوون.
هێزە داگیرکەرەکان بە چڕی گوندەکانی باب خەیر و گوندەکانی مێرمێلە و تل میر و میزرە و تل وەرد و گەڕەکەکانی ڕۆژئاوای ناوەندی شار تۆپباران دەکەن.
لە هێرشی سوپای تورک و چەتەکانیدا بۆ سەر گوندی ڕەبیعەتی سەر بە شارەدێی زرگان، دوو ژن شەهید بوون و سێ منداڵیش بریندار بوون و دەشوترێت کە ٣ ئەندامی هێزەکانی حکومەتی سوریا لەو شارۆچکەیەدا برینداربوون.
سوپای تورکیی داگیرکەر و چەتەکانی هێرشەکانیان بەرفراوانتر کردووە و گوندەکانی ئوم ئەلکێف و تل جیرابیت و تل جوما لە ڕۆژئاوای ناوچەی تل تەمر بۆردومان دەکەن.
ف.ق
