له زرگان ژماره‌ی برینداره‌كان بەرز بوویەوە
له هێرشه‌كانی دوێنێی ده‌وڵه‌تی تورك بۆ سه‌ر زرگان حه‌وت هاوڵاتی مه‌ده‌نی برینداربوون.
هێرشه‌كانی ده‌وڵه‌تی توركی داگیركه‌ر و چه‌ته‌كانی بۆ سه‌ر زرگان به‌رده‌وامه.
حه‌وت هاوڵاتی كه سه‌ره‌ڕای هێرشه‌كان ماڵه‌كانیان جێنه‌هێشتبوو، له ئه‌نجامی ئه‌و هێرشانەدا برینداربوون.
له‌و هێرشانه‌دا له گه‌ڕه‌كه‌كانی رۆژئاوا و باكوری زرگان هه‌ر یه‌ك له سه‌ید فه‌تاح، جه‌مال ئه‌لعیسا، به‌شار ئیسماعیل ئه‌لعیسا و خدر ئه‌حمه‌د ئوغڵه گواسترانه‌وه بۆ نه‌خۆشخانه‌ی درباسیه.
به‌شیر عه‌ته‌وی و عه‌بدولكه‌ریم ئه‌لحامدیش گواسترانه‌وه بۆ نه‌خۆشخانه‌یه‌ك كه تائێستا رووننه‌بوه‌ته‌وه.
سه‌رله ئێواره‌ی دوێنێش له هێرشه‌كاندا فاتمه عه‌لی مه‌حبوب بریندارببوو.
هێرشی داگیركه‌ران له‌سه‌ره گونده‌كانی دادا عه‌بدال، ره‌بیعات و موحه‌ره‌میش به قورسی به‌رده‌وامن.
ژ.ت
