چالاکیەکەی ئەم هەفتەیە بە خولەکێک رێزگرتن بۆ یادی شەهیدانی ئازادیی، نوجان مەلەتی و ئیسلام جیلۆ دەستی پێکرد.

بە ناوی کۆمیتەی چالاکییەکەوە ئیبراهیم یوکسەل قسەی کرد و سەرنجی خستەسەر گۆشەگیری سەپێنراوی ٢٦ساڵەی سەر ڕێبەر ئاپۆ و ڕایگەیاند؛ هیوای ئازادی و ئاشتی گەل لە ئیمرالی بە دیل گیراوە.

ئیبراهیم یوکسەل لەمیانەی قسەکانیدا داوای "ئازادی جەستەیی ڕێبەر ئاپۆ و چارەسەری پرسی کوردی کرد و ئاماژەی بەوەدا کە دەوڵەتی تورکیا ڕووبەڕووی قەیرانێکی زۆری ناوخۆیی بووەتەوە و وتی: "داڕمانی ئابووری و بەنەبوونی دادپەروەری، حکومەتی ڕووبەڕووی ئاستەنگی کردووتەوە بە جۆرێک نەتوانێت بەردەوامی بە خۆی بدات."

هەروەها یوکسەل سزای لەسێدارەدانی لە ئێراندا شەرمەزار کرد و ڕایگەیاند؛ بەئامانجگرتنی گەنجان "سیاسەتێکی ڕوونی کۆمەڵکوژییە."

یوکسەل لە کۆتایی قسەکانیدا هێرشەکانی دەوڵەتی داگیرکەری تورکی بۆ سەر هەرێمەکانی پاراستنی مێدیای شەرمەزار کرد و ڕایگەیاند؛ بەکارهێنانی چەکی کیمیایی بەڕوونی پێشێلکردنی یاسا نێونەتەوەییەکانە و ئەم هێرشانە لە دژی سروشت و مرۆڤایەتی تاوانە.

یوکسەل ئاماژەی بە پارادایمی کۆنفیدرالیزمی دیموکراتیکی ڕێبەر ئاپۆدا و وتی: "کلیلی چارەسەری هەموو کێشەکانی ڕۆژهەڵاتی ناوەڕاست پارادایمی کۆنفیدرالیزمی دیموکراتیکە، ئاشتی و دادپەروەری لە ڕۆژهەڵاتی ناوەڕاست لەسەر بنەمای پارادایمی ڕێبەر ئاپۆ پێش دەکەوێت، ئێمە سوپاسی بەڕێز ئۆجالان دەکەین کە بە بەرخۆدانی بەردەوامی لە ماوەی ئەم ٢٦ساڵەدا بوو بە ‌هیوای گەلی کورد و گەلانی ناوچەکە، بۆیە دەبێت دەستبەجێ ئازاد بکرێت و هێرشەکانی سەر هەرێمەکانی گەریلاش کۆتایی پێ بهێنرێت."

چالاکی دانیشتنەکە تا کاتژمێر١٧:٠٠ بەردەوام بوو.