ئامێرۍ خەسەخانەکاو گرێ سپی و سلۆکی جە لایەنو چەتەکاوە دزیۆ
چەتەکۍ دۊڵەتو تورکی ئەرەگیری چی دماییانە چڼین ئامێرۍ پزیشکیۍ هەردووە خەسەخانەو گرێ سپی ئەرەگیرکریای و سلۆکی دزانە.
بە پاو ئاژانسو هەواڵو هاواری (ئانها) چی چن ڕووەو ویەردەینە چەتەکێ دۆڵەتو تورکی ئەرەگیری ئامێرە پزیشکییەکا خەسەخانەو گرێ سپی ئەرەگیری و خەسەخانەو سلۆکێ دماو کەردەیشاوە دزانە و بەراشا یاگێوە نادیار.
ئاماژەش پانەیە کریان ئی هەرمانەو دزییە و چەتەکا یوەم جار نییا و بەردەوام ئا زنجیرە هەرمانە دزیکەردەیە کە جە هەرێمەکەنە دەسشاپنەکەردەن، مەرامشا تێکدای چێرخانو کەرتە خزمەتگووزیارەکا هەرێمەکەین.
جەختیچ چانەیە کریانۆ بەمەڵامەتو نەمەنەو ئا ئامێراوە دۆخو پێشکەشکەردەو خزمەتگوزاری خەسەخانەکەی بەتەمامەتی مدران، جە خراپتەر بییەو بارو ئەمنینە ئەرنیشتا گرێ سپی ئەرەگیری ئینی دۆخێوە سەختو ژیوای کەردەینە.
