جە چوارچێوەو سەردان و گلێرۆبییەکا شاندو هەدەکەی و دەبەپەی و دەم پارتی جە پانیشتوو کوردەسانینە، جە شارو هەولێر سەبارەت بە پەیامو سەدەو ڕابەر ئاپۆی و یەکڕیزی گەلوو کوردی، چنی پارێزنەرو هەولێری گلێرێ بیێوە.
شاندەکە جە مەرال دانش بەشتاشە، هامسەرۆکەو هەدەکەی، سەرحەد ئەرەن، ئەندامو دەسەو ڕاوەبەری دەم پارتی، موراد سارساج، هامسەرۆکو کۆمسیۆنو دیپلۆماسی دەبەپەی، ساڵیحە ئایدەنیزە، پەرلەمانتارەو دەم پارتی، ڕەزان کاگانئارسەلان، هامسەرۆکو ئەنجوومەنو جوانا دەم پارتی و موراد شەن، نوێنەرو دەم پارتی ئینێ هەولێرەنە.
جە گلێرۆبییەکەینە جەخت جە گرنگی یەکڕیزی دلێ یانەو کوردی جە پرۆسەو چارەسەریی کریا و واوەی کریاوە کە بە گلێرگێوە دیموکرات گرڏو گەلا ناوچەکەی تاوانە پێوەرە بژیوا، هامکاتەنە پارێزنەرو هەولێری ئومێد خۆشناو پەشتیوانی وێش پەی دەسوەڵوستەو ڕابەر ئاپۆی بەربڕی.
ئی شاندە ماوەو یەرێ ڕوان ئینێ شارو هەولێرینە و سەبارەت بە بانگەوازییەکەو ڕابەر ئاپۆی زنجیرێوە گلێرۆبییەیشا چنی لایەنە سیاسییەکا، ڕۆشنویرا، نوویسەرا، پەرلەمانتارێ و ڕێکوزیاکا ژەنا ئەنجام دان، هەرپاسە ئارۆیچ گلێرۆبییەکێشا درێژەشا بۆنە.
