لە شاری مەریوانی رۆژهەڵاتی کوردستان ٧ چالاکوانی کورد کە لەهەوڵی کوژاندنەوەی ئاگری دارستانەکانی ئەو شارەدابوون، بەهۆی تەقینەوەی مین بە سەختی برینداربوون.

راگەیەندرا کە سوپای پاسداران ئاگری لە لەوەڕگە و دارستانەکانی ناوچەکە بەرداوە و ئەوەش خراوەتەڕوو کە ماوەی چەند رۆژە ئاگرەکە بەردەوامە.

کاتێک بارزان پیروزی، مادیح نیکپەی، بورهان مەککی، ئارام کەیوان، سەیوان نیکپەی و دوو کەسی دیکە کە ناوەکانیان نەزانراوە ویستیان بەشداربن لە کوژاندنەوەی ئاگرەکە لە ناوچەی کانی میران، بە هۆی تەقینەوەی مین برینداربوون.

بریندارەکان گواستراونەتەوە بۆ نەخۆشخانەی مەریوانە و راگەیەندرا کە برینەکانیان سەختە و باری تەندروستیان ناجێگیرە.

هـ . ب