ڕۆژهه‌ڵاتی-ناوه‌ڕاست

دوایین ھەواڵ

• عێراق… تا ئێستا ٤٧٠ ڕۆژنامەنووس کوژراون 

  سەرۆکی ناوەندی ستراتیژی بۆ مافەکانی مرۆڤ لە عێراق بە بۆنەی یادی ١٥٥ ساڵەی رۆژنامەگەری لە وڵاتەکەی ڕایگەیاند، لە کۆی ١٨٠ وڵاتی جیهان عێراق لە پلەی یەکەمدا دێت لە ژمارەی کوژرانی ڕۆژنامەنووسان و تائێستا ٤٧٠ رۆژنامەنووس لە وڵاتەکەدا کوژراون.
• کۆمسیۆنی نەتەوەیەکگرتووەکان: ئیسرائیل و گروپە فەلەستینیەکان تاوانی جەنگیان ئەنجامداوە 

  کۆمیسیۆنی لێپرسینەوەی نەتەوەیەکگرتووەکان رایگەیاند، ئیسرائیل لە کەرتی غەززە بە ئامانجی 'سڕینەوە' تاوانی لە دژی مرۆڤایەتی ئەنجامداوە، هاوکات گروپە فەلەستینیەکانیشی بە ئەنجامدانی تاوانی جەنگ تۆمەتبارکرد.
• بریکاری وەزیری دەرەوەی ئێران سەردانی عێراق و هەرێمی کوردستان دەکات 

  بڕیارە عەلی باقری بریکاری وەزیری دەرەوەی ئێران سەردانی بەغدا، هەولێر و سلێمانی بکات.
• لە شەڕی غەززەدا ژمارەی کوژراوان گەیشتە ٣٧ هەزار و ١٢٤ کەس 

  وەزارەتی تەندروستی کەرتی غەزە رایگەیاند، کە ژمارەی ئەو کەسانەی لە سەرەتای شەڕەوە لەوناوچەیە کوژراون گەیشتووەتە ٣٧ هەزار و ١٢٤ کەس.
• سعودیە ٣٠٠ هەزار کەسی گەڕاندەوە کە بەنیازبوون بە نایاسایی حەج بکەن 

  سعودیە رایگەیاند کە زیاتر لە ٣٠٠ هەزار کەسیان لە مەککە دوورخستووەتەوە کە بەنیازبوون بە شێوەی نایاسایی حەج بکەن.
• ناوی کاندیدەکانی هەڵبژاردنی سەرۆکایەتی کۆماری ئێران راگەیەندرا 

  ناوی شەش کەس وەک پاڵێوراوی هەڵبژاردنی سەرۆکایەتی کۆماری ئێران راگەیەندرا و لە رۆژی دووشەممەوە بانگەشەی هەڵبژاردن دەستپێدەکات و پێشبینی دەکرێت لەم هەڵبژاردنەشدا رێژەیەکی کەم لە هاووڵاتیان بەشداری بکەن.
• کۆنفرانسی گەنجانی ڕۆژهەڵاتی ناوەڕاست لە بەیروت دەستی پێکرد 

  کۆنفرانسی گەنجانی ڕۆژهەڵاتی ناوەڕاست و باکووری ئەفریقا لە بەیرووتی پایتەختی لوبنان دەستی پێکرد.
• بەرزبوونەوەی پلەی گەرما لە هێندوستان کاریگەری لەسەر تەندروستی مرۆڤ دەکات 

  شارەزایان هۆشداریی لەوە دەدەن کە بەرزبوونەوەی پلەکانی گەرما لە هێندوستان کاریگەری جددی لەسەر تەندروستی مرۆڤ دەکات.
• لە غەززە ٥٣ کەسی دیکە کوژران 

  وەزارەتی تەندروستی حەماس رایگەیاند، لە کەرتی غەززە بەهۆی هێرشەکانی ئیسرائیلەوە ٥٣ کەسی دیکە کوژراون.
• موقتەدا سەدر داوای داخستنی باڵیۆزخانەی ئەمریکای لە بەغدا کرد 

  موقتەدا سەدر، ڕێبەری ئایینی شیعەکانی عێراق، دوای کوژرانی دەیان فەلەستینی بە هۆی هێرشەکانی ئیسراییل بۆ سەر کەمپی فەلەستینیەکان لە ڕەفەح، داوای داخستنی باڵیۆزخانەی ئەمریکا لە بەغداد کرد.
• بە هۆی هێرشەکان بو سەر ڕەفح نزیكەی ملیۆنێک كەس ئاوارەبوون 

  بە پێی ڕاگەیاندنەکانی ڕێكخراوی هاوكاری نەتەوەیەكگرتووەكان لە فەڵەستین، لە ماوەی سێ هەفتەی ڕابردوودا بەهۆی هێرشەكانی ئیسرائیل بۆ سەر شاری ڕەفح، نزیكەی یەك ملیۆن كەس ئاوارە بوون.
• ئیسرائیل لە رەفەح کۆمەڵکوژی ئەنجامدا 

  بەرگری شارستانی فەلەستین رایگەیاند، کە لە هێرشی ئیسرائیلدا بۆ سەر کەمپێک لە رەفەح ٤٠ کەس ژیانیان لەدەستداوە.
• حەماس بانگەشە دەکات کە ژمارەیەکی سەربازی ئیسرائیلی بە دیل گرتووە، تەلئەبیبیش رەتیدەکاتەوە 

  حەماس بانگەشەی ئەوە دەکات رۆژی شەممە لە کەمپی جەبالیە لە غەززە بۆسەیان داناوە و ژمارەیەک سەربازی ئیسرائیلیان بە دیل گرتووە، بەڵام سوپای ئیسرائیل ئەو بانگەشەیە رەتدەکاتەوە.
• کاردەکرێت بۆ گەڕانەوەی ٣٩ هەزار کۆچبەری عێراقی لە ئەڵمانیاوە 

  وتەبێژی وەزارەتی کۆچ و کۆچبەرانی عێراق دەڵێت: ٣٩ هەزار کۆچبەری عێراقی لە ئەڵمانیا داوای پەنابەرێتییان ڕەتکراوەتەوە و کار بۆ گەڕاندنەوەیان دەکەن.
• عەلی باقری وەک سەرپەرشتیاری وەزارەتی دەرەوەی ئێران دەستنیشان کرا 

  لە بری حسێن ئەمیرعەبدوڵاهیان، وەزیری دەرەوەی ئێران کە لە رووداوی کەوتنەخوارەوەی هەلیکۆپتەردا لەگەڵ ئیبراهیم رەئیسی سەرۆککۆماری ئەو وڵاتە، گیانی لەدەستدا، عەلی باقری وەک سەرپەرشتیاری وەزارەتی دەرەوەی دەستنیشان کرا.
• ئیبراهیم رەئیسی سەرۆککۆماری ئێرانی گیانی لەدەستدا 

  کاربەدەستانی ئێران رایانگەیاند، سەرۆککۆمار ئیبراهیم رەئیسی و وەزیری دەرەوە حسێن ئەمیر عەبدوڵاهیان ژیانیان لەدەستداوە.
• لەهێرشێکدا بۆ سەر بنکەیەکی سەربازی لە عێراق ٥ سەرباز کوژران 

  بەرپرسانی وەزارەتی بەرگریی عێراق رایانگەیاند، کە لە هێرشێکدا بۆ سەر بنکەیەکی سەربازی لە پارێزگای سەڵاحەدین، فەرماندەیەک و ٤ سەربازی عێراق کوژراون.
• خەزعەلی: کاتی ئەوە هاتووە بەفەرمی مردنی رێککەوتنی شەنگال رابگەیەندرێت 

  ئەمینداری گشتیی بزوتنەوەی عەسائیبی ئەهلی حەق رایگەیاند: "بەناو رێککەوتنی شەنگال کۆتایی هاتووە و کاتی ئەوەیە بە فەرمی ئەوە رابگەیەندرێت"، جەختیشی کردەوە کە خەڵکی شەنگال ئەو رێککەوتنەیان رەتکردووەتەوە.
• نیوەى دانیشتوانى کەمپی هۆل خەڵکی عێراقن 

  ژمارەى بنەماڵەی چەتەکانی داعش لە کەمپى هۆل لە باکوورى رۆژهەڵاتى سووریا بۆ ٤٣ هەزار کەس کەمی کردووە، نیوەی ئەو ژمارەیە خەڵکی عێراقن.
• پوتین: ڕێگە نادەین کەس هەڕەشەمان لێبکات! 

  ڤلادیمیر پوتین سەرۆکی ڕووسیا ڕۆژی پێنجشەممە لە وتارێکیدا لە جەژنی سەرکەوتنی سۆڤیەت بەسەر هیتلەردا، جەختی لەوە کردەوە کە هێزی هەستەیی ستراتیژیی ڕووسیا "هەمیشە ئامادەی شەڕن.
• 'تورکیا دەستی بە هەناردەکردنی کاڵا بۆ ئیسرائیل کردووەتەوە' 

  تەنیا چەند رۆژ دوای ئەوەی راگەیەندرا دەوڵەتی تورک هەناردەی کاڵای بۆ ئیسرائیل راگرتووە، میدیاکانی ئیسرائیل بڵاویان کردەوە، ئەنقەرە دەستی بە هەناردەکردنی کاڵا کردووەتەوە.
• ژمارەی ئەو کەسانەی لە شەڕی غەززە کوژراون لە ٣٥ هەزار کەس نزیکبووەتەوە 

  وەزارەتی تەندروستی حەماس رۆژی پێنج شەممە رایگەیاند، لە سەرەتای شەڕەوە تائێستا ٣٤ هەزار و ٩٠٤ کەس لە غەزە کوژراون.
• شەڕی غەززە لە ٢١١هەمین رۆژدایە: لانیکەم ٣٤ هەزار و ٦٨٣ کەس کوژراون 

  وەزارەتی تەندروستی حەماس رایگەیاند، لە ٧ی تشرینی یەمەکەوە بەهۆی هێرشەکانی ئیسرائیل بۆ سەر کەرتی غەززە لانیکەم ٣٤ هەزار و ٦٨٣ کەس کوژراون.
• کۆریای باکوور بەرەو دەریای ژاپۆن مووشەکێکی بالیستیکی ئاراستە کرد 

  سوپای کۆریای باشوور ڕایگەیاند کە کۆریای باکوور مووشەکێکی بالیستیکی بەرەو دەریای ژاپۆن ئاراستە کردووە.
• گروپی خۆڕاگری ئیسلامی لە عێراق ئەنجامدانی هێرشێکی لە دژی ئیسرائیل راگەیاند 

  گروپی خۆڕاگری ئیسلامی لە عێراق رایەگیاند، کە بارەگایەکیان لە شاری ئیلاتی ئیسرائیل کردووەتە ئامانج.